1-amaliy mashg’ulot. Ekologik ta’lim-tarbiya-Biosfertani saqlab qolishning muhim omili. Mashg’ulotning maqsadi

1-amaliy mashg’ulot. Ekologik ta’lim-tarbiya-Biosfertani saqlab qolishning muhim omili.
Mashg’ulotning maqsadi: Biosferani saqlab qolishning muhim omili, birinchi navbatda ekologik ta’lim –tarbiyani rivojlantirish, aholining barcha qatlami o’rtasida ekologik ta’lim va tarbiyaniehg maqbul jihatlarini targ’ibot qilish bo’yicha ma’lumotlar berish.
Mashg’ulotning qisqacha mazmuni: Ekologik ta’lim-tarbiya jarayoni qadimdan mavjudligi bizgacha saqlanib kelgan bir qator nodir va aziz hisoblanmish asarlardan ma’lum. Masalan: Qur’oni Karim yoki Hadisi shariflarda ekologik tarbiya haqIda yorqin fikrlar bayon qilingan.Shuningdek, ko’pgina buyuk allomalar ham o’zlarining ilmiy asarlarida koinot va zamin odamlar ta’sirida gullab yashnashi va aksincha buzilishini ta’kidlab o’tishgan.
Birgina “Tangri go’zaldir, go’zallikni yaxshi ko’radi” hadisi ekologiyaning, ta’lim-tarbiyaning barcha fazilatlari, xususiyatlarini o’zida mujassamlashtirgan.
Hozirgi kunda respublikamizda ekologik tarbiyaga e’tibor kuchaymoqda. O’zbekiston Respublikasi Konstitutsiyasining XI-bob, 50-moddasida “Fuqarolar atrof tabiiy muhitga ehtiyotkorona munosabatda bo’lishga majburdirlar” deb e’tirof qilinishi ekologik tarbiyaning qonuniy asosini belgilab berdi. Ekologik ta’lim-tarbiya va umumiy tarbiya bir-biri bilan bog’liq bir butun jarayondir.
BMT, YUNESKO va YUNEP kabi tashkilotlarning diqqat markazidagi masalalardan biri ham ekologik tarbiyadir. Uni rivojlantirish uchun jahon, alohida davlatlar miqyosida turli tadbirlar o’tkazilmoqda, har bir soha mutaxassisi ekologiyani nima ekanligini tushunishi va o’z kundalik hayotida tabiatga zarar etkazmasligi, ekologik tarbiyani o’z oilasidan boshlashi lozimdir.
Biosferani saqlab qolish maqsadida aholi orasida tashviqot-targ’ibot ishlarini olib boorish muhimdir. Obodonlashtirish, ko’kalamzorlashtirish ishlarining o’tkazilishi, Navro’z, bahor bayramlarini tabiat muhofazasi bilan birgalikda olib boorish yaxshi natija beradi. “Qushlar kuni’, “Gullar bayrami”ni o’tkazilish tadbirini o’tkazish maqsadga muvofiqdir.
Dam olish maskanlariga kelgan kishilarga tabiat muhofazasi bo’yicha tushuncha berish, ularni nodir va noyob o’simlik hamda hayvonot olami namunalari bilan tanishtirish zarur va ularni.asrab-avaylash haqida tushuncha berish maqsadga muvofiqdir.
Tabiat qo’ynida foydali mehnat qilgan, ekologik jihatdan tarbiya oolgan millatimiz farzandlari kamtarin,mehribon, sahiy, mehnatsevar bo’lib o’sadilar.
Keyingi yillarda bizning mamlakatimizda aholiga ,ayniqsa yoshlarga ekologik bilim berish borasida bir muncha ishlar qilinmoqda. O’rta va oliy o’quv yuretlarida talabalarga ekologiya fani o’qitilmoqda, magistrlar tauyorlanmoqda, ekolog mutaxassislar tayyorlanmoqda. Bundan tashqari ekologiyaning dolzarb muammolari haqida habarlar, maqolalar yozilmoqda, radio, televideniyada turli ko’rsatuvlar uyushtirilmoqda.