1-амалий машғулотнинг хисобот варақаси

2.4 “Стандартлаштириш тўғрисида” ги Ўзбекистон Республикаси Қонунини шархлаб беринг?
Кейинчалик 1926-йилда Стандартлаштириш бюроси ташкил этилади. 1933- йилда бу бюро Ўзбекистон бўйича тош ва тарозилар ишлари бўйича марказий бошқармага ва кейинчалик стандартлаштириш ва метрология Ўзбекистон Марка-зига айлантирилади. 1973-йилда Ўзбекистон Республикаси стандартлаштириш бошқармасига айлантирилади.
1992-йилда Ўзбекистон мустақилликка эришганига кўп ўтмай Республика Вазирлар Маҳкамасининг 2-март 93-сонли қарорига асосан Вазирлар Маҳкамаси ҳузурида Ўзбекистон Давлат стандартлаш, метрология ва сертификация маркази қилиб янгидан ташкил этилади (Ўздавстандарт).
2002-йилда эса “Ўздавстандарт” Вазирлар Маҳкамасининг 3-октабр 342-сонли қарори билан Ўзбекистон стандартлаштириш, метрология ва сертификат-лаштириш агентлиги (“Ўзстандарт” агентлиги) га айлантирилди.
“Стандартлаштириш тўғрисида” ги Ўзбекистон Республикаси Қонунига мувофиқ “Ўзстандарт” агентлиги стандартлаштириш ишларини ўтказишнинг умумий қоидаларини, манфаатдор томонларнинг давлат бошқарув органлари, жамоат бирлашмалари билан олиб борадиган хамкорликдаги ишининг шакл ва усулларини белгилайди.
Ўзбекистон Республикаси Президенти томонидан 1993 йилнинг 28 декабрида имзоланган “Стандартлашриши тўғрисида” ги Ўзбекистон Республикаси Қонуни стандартлаштириш бўйича қоидалар, меъёрий ҳужжатлар, стандартлар устидан давлат назорати, унга доир ишларнинг молиявий таъминоти ва уларнинг ҳаётга татбиқ этилиши, стандартлаштириш бўйича ишларни ўтказишнинг янада юқорироқ ривожланиш босқичига кўтарилишига асос бўлади.
“Стандартлаштириш тўғрисида”ги қонун 4 бўлимдан иборат бўлиб, бу бўлимлар 12 моддани ўз ичига олган. Қонунда стандартлаштиришнинг асосий мақсадлари аниқ ва равшан кўрсатилиб, ифодалаб берилган. Ўзбекистон Республи-касида стандартлаштириш ишларини ўтказишнинг умумий ташкилий-техник қоидаларини тартибга солиб турувчи давлат стандартлаштириш тизими фаолият кўсатади. Шунингдек, қонунга мувофиқ давлат бошқарув органлари ўз ваколатлари доирасида стандартлар ва техник шартларни ушбу қонунни қўллашга доир йўриқномалар ва изоҳларни ишлаб чиқадилар, тасдиқлайдилар, нашр этадилар.
Қонуннинг иккинчи бўлими стандартлаштиришга доир норматив ҳужжатларга бағишланган. Норматив ҳужжатларнинг тоифалари ва уларга қўйиладиган асосий талаблар ёритилган. Стандартлаштиришга доир норматив ҳужжатлар ватанимиз ҳамда чет эл фан ва техникасининг замонавий ютуқларига асосланган ва Ўзбекис-тон Республикасининг қонун ҳужжатларига мувофиқ бўлиши, улар халқаро савдо-сотиқ учун ортиқча тўсқинликларни вужудга келтирмаслиги лозимлиги кўрсатил-ган. Норматив ҳужжатларсиз маҳсулот ишлаб чиқариш ва реализация қилишга йўл қўйилмаслиги қайд этилган.
Қонуннинг учинчи бўлимида стандартлар устидан давлат назоратини ташкил этилиши ёритилган. Учинчи бўлимнинг саккизинчи моддасида идоравий бўйсу-нуви ва мулк шаклидан қатъий назар ҳўжалик фаолияти субъектларининг, шунингдек, шу жумладан сертификатлаштирилган маҳсулот (ишлаб чиқиш, тайёр-лаш, сақлаш, ташиш, фойдаланиш, таъмирлаш ва чиқиндини фойдали суратда ишлатиш босқичларида) давлат назорати объекти ҳисобланиши айтилган.
Давлат инспекторлари, уларнинг ҳуқуқлари ва жавобгарлиги 9 моддада келти-рилган. Стандартларнинг мажбурий талабларига риоя этилиши устидан давлат назоратини амалга оширадиган давлат инспекторлари, давлат бошқарув органлари-нинг вакиллари эканлиги кўрсатилган.
Қонунда давлат йўли билан стандартлаштириш ва назорат қилишга доир ишларнинг молиявий таъминоти, маҳсулот ишлаб чиқаришни амалга ошираётган ва маҳсулотларни стандартларга мувофиқлик белгиси билан тамғалаш ҳуқуқини олган ҳўжалик фаолияти субъектларини иқтисодий қўллаб-қувватлаш ва рағбатлантириш чора-тадбирлари Ўзбекистон Республикаси Вазирлар Маҳкамаси томонидан белгиланиши кўрсатилган.