1-амалий машғулот. Кредит-модуль

3-МАВЗУ.

1-АМАЛИЙ МАШҒУЛОТ. КРЕДИТ-МОДУЛЬ ТИЗИМИДА
ТАЛАБАЛАРНИНГ МУСТАҚИЛ ИШИНИ РЕЖАЛАШТИРИШ, ТАШКИЛ ҚИЛИШ ВА ТАЪЛИМ НАТИЖАЛАРИНИ БАҲОЛАШ УСУЛЛАРИ (2 соат)
Режа:

1. 
   Талабанинг мустақил иши.
   
2. 
   Талабанинг мустақил таълими.
   
3. 
   Ўқитувчи раҳбарлигидаги талабанинг мустақил иши.
   
4. 
   Мустақил иш турларини меъёрлаштириш.
   
5. 
   Талабанинг мустақил ишини масофавий усулда ташкил қилиш ва таълим натижалари (Блум таксономияси асосида).
   
6. 
   Таълим натижаларини баҳолаш усуллари.
   

Амалий машғулот мақсади:
Тингловчиларда кредит-модуль тизимида талабаларнинг мустақил ишини режалаштириш ҳамда уни ташкил қилиш бўйича малака ва кўникмаларни шакллантириш.
Амалий машғулотни ўтказиш тартиби:
Машғулот режаси бўйича материаллар таҳлил қилиниб, кичик гуруҳлар ёки жуфтликларда янги педагогик технологиялар ёки интерактив усуллардан фойдаланган ҳолда берилган топшириқлар бажарилади.
Амалий машғулот бўйича материаллар:
Талабаларнинг мустақил иши (ТМИ) – бу талабанинг ўзига хос ўқув фаолияти бўлиб, у дидактик топшириқларни мустақил равишда бажаришга, ўқишга қизиқтиришга ва муайян фан соҳасида билимларни оширишга йўналтирилган. ТМИ мазмуни мантиқий фикрлашни, ижодий фаолликни, ўқув материалини ўзлаштиришда тадқиқотчилик ёндашувини шакллантиришга имкон берувчи амалий топшириқларни бажариш билан боғлиқ бўлади.
ТМИ мазмуни фаннинг хусусиятидан, олий ўқув юртининг техник имкониятларидан ва кутубхонанинг ўқув-услубий таъминланганидан келиб чиқиб аниқланади.
Одатда ТМИ талабанинг мустақил таълими (ТМТ) билан биргаликда аудиториядан ташқарида бажариладиган ўқитувчи раҳбарлигидаги талабанинг мустақил ишини (ЎРТМИ) ҳам ўз ичига олади.
Кундузги таълим шаклида бакалавриатда ТМИ нинг умумий соатлари фан ҳажмининг ярмини ташкил этади ва унинг ҳам деярли ярми ЎРТМИ га

ажратилади. Сиртқи таълимда ТМИ ҳажми фан ҳажмининг 4/5 қисмини ташкил этиши мақсадга мувофиқ.
ТМИни ташкил қилиш олий ўқув юртининг асосий меъёрий ҳужжатлари, жумладан ишчи ўқув дастурлари (силлабус), фан модулларини мустақил ўрганиш бўйича талабларга мувофиқ тарзда амалга оширилади.
ТМИ қуйидаги шаклларда жорий этилиши мумкин:

• 
  талабанинг бевосита ўзи томонидан (мобил қурилмаси орқали) амалга ошириладиган мустақил иш турлари (ТМТ);
  
• 
  анъанавий шаклдаги ўқитувчи раҳбарлигидаги талабанинг мустақил
  

иши;

• 
  электрон шаклдаги (мобил қурилмаси орқали) ўқитувчи
  

раҳбарлигидаги талабанинг мустақил иши.