1-2-ma’ruza

 
3. Boshqaruv va zaxira sig’imlari 
Suv tahminoti tizimidagi barcha inshootlar suv istehmol grafigiga muvofiq bir kecha 
–  kunduzdagi  maksimal  suv  istehmol  qilish  tartibiga  binoan  hisoblanadi.  Kecha  kunduz 
davomida  bir  soatlik  maksimal,  o’rtacha  va  minimal  suv  istehmoli  hisoblab  topiladi.  Bu 
hisoblashlar  natijasiga  qarab,  barcha  tizimdagi  inshootlarning  ko’rsatkichlari  aniqlanadi. 
SHu  bilan  birga  aholi  turar  –  joylarida  va  yong’inni  o’chirish  uchun  sarflanadigan  suv 
miqdorlari  yig’indisining  maksimal  soatdagi  qiymati  hisoblanadi.  Bundan  tashqari,  bir 
kecha  kunduz  davomida  minimal  suv  istehmol  qilish  vaqtida  minimal  suv  miqdorini 
hisoblash lozim, bu qiymat orqali shu soatda tarmoqlarda bosim pasayishining eng yuqori 
qiymatini  aniqlash  mumkin.  SHu  bilan  birga  kecha  kunduz  davomida  o’rtacha  suv 
istehmol  qilish  vaqtida  o’rtacha  suv  sarfi  hisoblanadi,  bu  qiymatlar  suv  uzatishga 
sarflanadigan energiyaning o’rtacha qiymatini baholashda imkon beradi. 
Yuqorida  keltirilgan  hisoblash  natijasida  tizimdagi  inshootlar  turini  tanlash 
imkoniyati  yaratiladi.  Suv  uzatish  va  taqsimlash  tizimidagi  havuzlar  hajmiga  (ishlatish 
maqsadiga  ko’ra)  boshqarish,  yong’inni  o’chirish,  avariya  hajmi  va  suv  tahminoti 
shahobchasidagi texnologik hajmlar kiritilishi lozim.