1-2-ma’ruza

 
 
 

---

2. 
Quvurlarga qo’yladigan talablar 

 
Quvurlarga bir talay talablar qo’yiladi. Hozirgi davrda qurilayotgan suv tarmoqlari va 
suv uzatish quvurlari murakkab yechimlar bilan farqlanishi katta hajmdagi qurilish va yig’ish 
ishlarini  talab  qilishini  ehtiborga  olsak,  qurish  va  yig’ish  ishlarini  bundan  buyon 
industriallashtirish  lozim.  Bu  o’z  o’rnida  korxonalarda  tayyorlanayotgan  yig’ma 
konstruksiyalardan  foydalanishni  taqozo  etadi.  Suv  bilan  ta’minlashning  xo’jalik  -  ichimlik 
tizimi  uchun  quvurlar  materiali  O’zbekiston  Respublikasi  Sanitariya  -  epidemiologiya  bosh 
boshqarmasi tomonidan ruxsat etilgan talablarga javob berishi lozim. 
Foydalanish  chog’ida  quvurlar  ko’pgina  omillar  ta’sirida  bo’ladi,  ular  quvurlarning 
ishlashiga salbiy ta’sir qiladi, shu bois materiallarni tanlashda bu omillar ehtiborga olinishi 
lozim. Quvurlar yemirilishga chidamli bo’lishi kerak. Quvur materiallari va ularning ustki va 
ichki  qoplamalarining  har  birini  aniq  qurish  va  foydalanish  sharoitini  ehtiborga  olgan  holda 
to’g’ri  tanlash,  ulardan  foydalanish  muddatini  uzaytiradi  va  ishlatish  uchun  sarflanadigan 
mablag’ni kamaytiradi. 
Quvurlar  ichki  yuzasining  g’adir-budurliklari  suvni  oqizish  uchun  sarflanadigan 
quvvatga  ma’lum  darajada  ta’sir  qiladi.  SHu  sababli  quvurlarning  ichki  yuzasi  silliq  va 
foydalanish davrida o’zgarmasligi  lozim.  Bu  ko’rsatkich  quvurning  materiali,  uni  tayyorlash 
texnologiyasi, oqiziladigan suv sifatida ichki qoplamasining o’zgarish - o’zgarmasligiga bog’liq 
bo’ladi. 
Quvurlarning  ishonchli  ishlashi  ko’p  jihatdan  ularning  mustaxkamlik  ko’rsatkichlarini 
to’g’ri  tanlashga  va  ularga  ta’sir  qiladigan  ichki  va  tashqi  yuklarga  mosligiga  ham  bog’liq. 
Bundan tashqari, quvurlar va ularning o’zaro ulangan joylari foydalanish davri davomida 
zich yopilgan bo’lishi lozim. Bu ko’rsatkich suv uzatish va taqsimlash tizimining iqtisodiy 
jihatdan afzalligi va ishonchliligi hamda sanitariya holatiga bog’liq.