1-2-ma’ruza

 
4. Suv iste’molchilarining asosiy turlari 
Suv ta’minoti tizimlari loyihalanganda, avvalam bor, iste’molchilarga qancha va qanday 
sifatda suv berish zarurligi aniqlanadi. Iste’molchilarning turiga ko’ra, suv har xil miqdor va 
sifatda uzatiladi. Iste’molchilarni asosan uch turga bo’lish mumkin. 
1. Aholining ichadigan xo’jalik - ichimlik ehtiyoji uchun sarflanadigan suvlar (ichish, 
ovqat tayyorlash, yuvinish, kir yuvish, turar - joylarning tozaligini saqlash, shahar va aholi 
turar  -  joylarining  obodonchiligini  saqlash,  ko’chalarga  suv  sepish,  daraxt  va  gulzorlarni 
sug’orish, favvoralar uchun suv va h.k.). 
Suvning sifatiga qo’yiladigan talablar iste’molchining suvni ishlatish maqsadiga ko’ra 
quyidagicha  bo’ladi.  Misol  uchun,  aholi  ichishi  uchun  sarflanadigan  suvlar,  avvalambor 
sanitariya  -  gigiena  talablariga  to’la  javob  berishi  kerak.  Suvda  insonlar  sog’ligiga  zarar 
keltiradigan,  kasallik  tarqatuvchi  bakteriyalar  bo’lmasligi,  tiniq  va  hidsiz  hamda  ta’mi 
yaxshi bo’lishi kerak. 
2.  Sanoat  korxonalarida  texnologik  jarayon  uchun  sarflanadigan  suv  (bug’  hosil 
qilish, sovitish, mahsulotlarni yuvish, turli mahsulotlarga ishlov berish va boshqalar). 
Har  xil  sanoat  korxonalari  uchun  suv  sifatiga  turlicha  talablar  qo’yadi.  Suv  sifati 
korxonalarning turlariga va qaysi texnologik jarayonda ishlatilishiga bog’liqdir 
3. Yong’inni o’chirish uchun sarflanadigan suv. 
Bundan tashqari, suv — suv ta’minoti tizimining o’z ehtiyojlari uchun ham sarflanadi 
(filg’trlarni yuvish, suv tarmoqlari va suv tortib oluvchi inshootlarni yuvish va boshqalar).