1-2-Lekciya. Mobil qosımshalar jaratıw ushın programmalastırıw ortalıqları

3-4-Lekciya. Mobil qosımshalar jaratıw ushın programmalastırıw tilleri
Mobil programmalastırıw tarawı júdá tez rawajlanıp atır, usınıń menen birge smartfonlar dúnyadaǵı texnologiyalıq tovarlar bazarında birinshilikti ustap turıp, olardıń barlıq xojalıq texnika hám elektronika ortasındaǵı úlesi 44 protsentti quraydı. Gartner analitik kompaniyası maǵlıwmatlarına kóre, 2018 de 1, 56 milliard smartfon qarıydarlar tárepinen satıp alınǵan.
Usınıń menen birge, Android operatsion sisteması jıldan-jılǵa ataqlılıǵı asıp barıp, ótken 2018 jılda dúnyadaǵı barlıq smartfonlardıń 80% ten aslamı Android operatsion sistemasında islep shıǵarıldı. Egerde siz smartfonlardan tısqarı — saatlar, planshetler, televizorlar, terminallar hám hátte tońlatqıshlardı da bar ekenligin esapqa alsańız, Android úlesi jáne de joqarı boladı.
Biraq, operatsion sistemanıń bunday artıp baratırǵan belgililigin esapqa alǵan halda, paydalanıwshı talapları da turaqlı túrde ózgerip, artıp baradı. Házirgi kún insanları hár qanday wazıypanı orınlawı kerek — banktegi xızmetlerdi tólew, azıq-túlik buyırtpa qılıw, doslar menen sóylesiw, oyın oynap waqtın ótkeriw hám taǵı basqa. Bunday qosımshalar mudami Google Play dúkanında jaylap kelinbekte.
Java
Java-da kóplegen joybarlar hám qosımshalar, sonıń menen birge, iri korporativ programmalar, mısalı, onlayn bankler jazılǵan. Java klassik, qatań tiplarga ajıratılǵan til bolıp tabıladı hám sol sebepli baslanǵısh dárejedegi uyreniwshilerge sáykes keledi.
Java-nıń abzallıqların tómendegishe belgilegen bo'lar edim:
• Java kodı kóp sózlik hám uzın. Bir tárepden, bul sizdi qorqıtıwı múmkin, biraq bunda da ózine muwapıq plyus tárepi bar. Kodtı jazıw processinde hámme zat júdá anıq hám ayqın boladı, sizdiń qáte qılıw yamasa qápelimde minez-qulqlarǵa qol urıwıńız múmkinshiligı júdá kem.
• Java-da til strukturaları júdá kem hám olardıń kópshiligi birdeyde aytiladi (yaǵnıy, birdey shablonda jazıladı ).
• Java-da eski versiyalar qollap quwatlanıwı ámeldegi, yaǵnıy tildiń jańa versiyası shıǵarılǵanda, eski kodta hesh nárse buzilmaydi. Mısalı, bunaqa ko'ngilbuzarlik kóbirek Swift programmalastırıw tilinde ushırasıp turadı.
• Jańa baslanuvchilar ushın Java belgililiginiń kóplegen abzallıqları bar. Eń keminde, ol úlken jámáátke (community) iye. Bul sonı ańlatadıki, tolıq maǵlıwmatlardı túsinetuǵın hám úyreniwge járdem beretuǵın adamlardı tabıw júdá ańsat. Mısal ushın, doslar arasında, stackoverflowda, githubda yamasa social tarmaqlarda.
• Bunnan tısqarı, turaqlı túrde jańalanıp turatuǵın kóplegen maqalalar, videolar hám kitaplar da ámeldegi, bul sonı ańlatadıki, ekzotik tillerden kóre bul tilde járdem tabıw ańsatlaw boladı.