1. 1§. O’zbekistonda demokratik jamiyat to’g’risidagi qarashlar va uning rivojlanish bosqichlari 2§. Ijtimoiy tashkilotlar-fuqarolik jamiyatining asosiy elementlari. Ii-bob. «O’zbekistonda fuqarolik jamiyati shakllanish o’ziga xos

Mavzu: O’zbekistonda fuqarolik jamiyatini shakllantirish va ijtimoiy tashkilotlar.


Reja:
Kirish.
I-bob. Fuqarolik jamiyatining nazariy-tarixiy talqini.
1.1§. O’zbekistonda demokratik jamiyat to’g’risidagi qarashlar va uning rivojlanish bosqichlari
1.2§. Ijtimoiy tashkilotlar-fuqarolik jamiyatining asosiy elementlari.
II-bob. «O’zbekistonda fuqarolik jamiyati shakllanish o’ziga xos xususiyatlari» naulril va amaliyot.
2.1§. Konstitusiyaviy davlatchilik-fuqarolik jamiyat asosi.
2.2§. Islohatlarni o’zbek modeli va modernizasiyalashtirish imkoniyatlari.
2.3§. Ijtimoiy hamkorlik – fuqarolik jamiyat institutlarining rivojlanishi va istiqbollari.
Xulosa.
Foydalanilgan adabiyotlar ro’yxati.

2

3

KIRISh
Mavzuning dolzarbligi. Ma’lumki, O’zbekiston 1991 yili o’z mustaqilligini qo’lga kiritganidan so’ng umrini o’tab bo’lgan mustabid, ma’muriy-buyruqbozlik, rejali-taqsimot tizimidan voz kechib, «O’zbek modeli» deb nom olgan o’z taraqqiyot yo’lini tanlab oldi¹.

Biz ishlab chiqqan va bugungi kunda hayotga tadbiq etayotgan ushbu modelning ma’no-mazmuni-davlat qurilishi va konstitusiyaviy tuzumni tubdan o’zgartirish va yangilash, iqtisodiyotni mafkuradan xoli etish, uning siyosatdan ustunligini ta’minlash, davlatning bosh islohotchi vazifasini bajarishi, ya’ni islohotlar tashabbuskori bo’lishi va ularni muvofiqlashtiririb borishi, qonun ustuvorligini ta’minlash, kuchli ijtimoiy siyosat yuritish, islohotlarni bosqichma-bosqich va izchil olib borish tamoyillariga asoslanadigan siyosiy, iqtisodiy va ijtimoiy islohotlarni amalga oshirishdan iboratdir².

Shu bois mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish, eng avvalo jamiyatimiz a’zolari, turli ijtimoiy qatlamlar, ayniqsa talaba yoshlar tomonidan uning mazmun-mohiyati teran va chuqur anglab yetilishini taqozo etadi.
Mamlakatimizni demokratik yangilashning bugungi bosqichdagi eng muhim yo’nalishlarida biri, bu – qonun ustuvorligi va qonuniylikni mustahkamlash, shaxs huquqi va manfaatlarini ishonchli himoya qilishga qaratilgan sud-huquq tizimini izchil demokratlashtirish va globallashtirishdan iboratdir. Bir so’z bilan aytganda, yurtimizda huquqiy davlat asoslarini yanada takomillashtirish va aholining huquqiy ongi va madaniyatini yuksaltirish biz uchun hal qiluvchi vazifa bo’lib qolmoqda³.

1. 
   I.A. Karimov Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” T.: 2010. 16-b
   

2. 
   I.A. Karimov O’zbekiston XXI asr bo’sag’asida Т.6., 1998. 59-bet
   

3. 
   I.A. Karimov Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” T.: 2010.. 38-b
   

4

Aynan shuning uchun ham biz mustaqillikning dastlabki yillaridan boshlab islohotlarning mazkur yo’nalishiga alohida e’tibor qaratganimiz bejiz emas. Ana shunday yondashuv tufayli bu boradagi ishlarning ko’lami, miqyosi va samaradorligi keyingi o’n bosqichga ko’tarilganini ko’p-ko’p misollarda ko’rish mumkin¹.

Bugun biz demokratik jarayonlarni chuqurlashtirish, aholining siyosiy faolligini oshirish, fuqarolarning mamlakatimiz siyosiy va ijtimoiy hayotidagi amaliy ishtiroki haqida so’z yuritar ekanmiz, albatta, axborot erkinligini ta’minlamasdan, ommaviy axborot vositalarini odamlar o’z fikr va g’oyalarini, sodir bo’layotgan voqealarga o’z munosabati va pozisiyasini erkin ifoda etadigan minbarga aylantirmasdan turib, bu maqsadlarga erishib bo’lmasligini o’zimizga yaxshi tasavvur etamiz².
Ma’lumki, fuqarolarning axborot sohasidagi huquq va erkinliklarini ta’minlash masalasi insonning axborot olish, axborotni va o’z shaxsiy fikrini tarqatish huquqi va erkinligini o’zida mujassam etgan bo’lib, bu O’zbekistonda demokratik jamiyat asoslarini barpo etishning muhim sharti, ta’bir joiz bo’lsa, tamal toshi hisoblanadi³.
Erkin saylov va o’z xohish-irodasini erkin bildirish prinsiplari, birinchi navbatda har bir shaxsning davlat hokimiyati vakillik organlariga saylash va saylanish bo’yicha konstitusiyaviy huquqi milliy davlatchiligimiz modelining asosini tashkil etadi. Saylovlar – bu mamlakatimizda amalda bo’lgan huquqiy normalarning nechog’liq demokratik ruhda ekanini namoyon etadigan, demokratik huquqiy davlatning uzviy belgisi, xalqning o’z xohish-irodasini erkin ifoda etishning, fuqarolarning davlat va jamiyat boshqaruvidagi davlat va jamiyat boshqaruvdagi ishtirokining asosiy shakli bo’lib, o’ta muhim va hal qiluvchi ahamiyatga ega masaladir⁴.

1. 
   O’sha asar. 29-b
   

2. 
   I.A. Karimov Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” T.: 2010. 105-b
   
3. 
   Karimov I.A. Biz kelajagimizni o’z qo’limiz bilan quramiz. 7 – jild. – Т.: O’zbekiston, 1999, 134 – bet
   

4. 
   I.A. Karimov Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” T.: 2010. 77-b
   

5

O’zbekistonimiz bosib o’tgan keyingi 19 yillik davr aholimizning keng qatlamlari qo’llab-quvvatlaydigan turli xil fuqarolik jamiyati institutlari, nodavlat notijorat tashkilotlarning jadal shakllanishi va rivojlanishi davri bo’ldi.
Fuqarolik institutlari, nodavlat notijorat tashkilotlari hozirgi kunda demokratik qadriyatlar, inson huquq va erkinliklari hamda qonuniy manfaatlarini himoya qilishning muhim omiliga aylanmoqda, fuqarolarning o’z salohiyatilarini ro’yobga chiqarish, ularning ijtimoiy, sotsial-iqtisodiy faolligi va huquqiy madaniyatini oshirish uchun sharoit yaratmoqda, jamiyatda manfaatlar
muvozanatini ta’minlashga ko’maklashmoqda¹.
Shu bilan birga «Fuqarolar yig’ini raisi (oqsoqoli) va uning maslahatchilari saylovi to’g’risida»gi O’zbekiston Respublikasi Qonuniga fuqarolarning o’zini o’zi boshqarish organlari raislari saylovi tizimini yanada takomillashtirish bo’yicha oqsoqollar va ularning maslahatchilari eng munosib fuqarolar ichidan saylanishini, fuqarolar ijtimoiy faolligini kuchaytirishda mahallaning ahamiyati va roli oshirilishini ta’minlaydigan chora-tadbirlarni nazarda tutadigan o’zgartish va qo’shimchalar kiritish taklif qilinadi².
Mavzuning ishlanganligi.Fuqarolik jamiyati barpo etishning nazariy va amaliy jihatlari, ushbu jamiyatning huquqiy madaniyati, ma’naviy-ahloqiy asoslariga oid muammolar O’zbekistonning mustaqil taraqqiyoti yillarida barcha ijtimoiy gumanitar yo’nalishdagi ilmiy tadqiqotlarning diqqat markazida turibdi.
So’nggi yillarda fuqarolik jamiyatining mohiyati, tabiati hamda uni shakllantirish jarayonlariga bag’ishlangan, shuningdek tegishli huquqiy madaniyat, huquqiy ong va huquqiy mafkura tahliliga doir bir qator siyosiy-nazariy, falsafiy, huquqiy, tarixiy yo’nalishdagi asarlar chop etildi.
Prezidentimiz I.A.Karimov asarlari, ma’ruza va nutqlarida Demokratik jarayonlarni chuqurlashtirish, fuqarolik jamiyatini shakllantirish konsepsiyasi haqida qimmatli ko’rsatmalar, asosiy tushunchalar berilgan. Ushbu asarlari

1. 
   Karimov I.A. O’zbekistonda demokratik o’zgarishlarni yanada chuqurlashtirish va fuqarolik jamiyati asoslarini shakllantirishning asosiy yo’nalishlari. “Xalq so’zi”, 2002 yil 30 avgust
   

2. 
   I.A. Karimov Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” T.: 2010. 18-b
   

6

O’zbekiston XXI asr bo’sag’asida, O’zbekiston XXI asrga intilmoqda, konsepsiya va boshqa ma’ruza va asarlaridir.
Mazkur muammolar xususida tadqiqot olib borgan ko’pgina huquqshunos, faylasuf, siyosatshunos olimlarimizning asarlari diqqatga sazovordir. Ular qatorida akademiklar Sh.Z.O’razaev, M.Sharifxo’jaev, professorlar A.A.Azizxo’jaev, Z.M.Islomov, X.T.Odilqoriev, S.Jo’raev, Sh.I. Jalilov, A.X.Saidov, R.Maxmudov, U.Tadjixanov, M.A.Rajabova, M.M.Fayziev, E.H.Xalilov, fan doktorlari A.Hamraev, F.X.Raximov, F.Musaev, M.Qirg’izboev va boshqalarni ko’rsatib o’tish mumkin¹.

Odatda, fuqarolik jamiyati xususida gap ketganda, qadimgi Yunon faylasufi Arastu fikrlariga tayaniladi. Darhaqiqat, bu tushuncha Arastu tomonidan ilk bor ilmiy va siyosiy iste’molga kiritilgan edi. U fuqarolik jamiyatini siyosiy qurilishning ma’lum shakli orqali bir-birlari bilan bog’langan erkin va teng huquqli fuqarolar uyushmasi sifatida xarakterlagan edi².

Akademik M.Sharifxo’jaev o’zining “O’zbekistonda ochiq fuqarolik jamiyatining shakllanishi” asarida ushbu jamiyatning tarixiy-nazariy talqiniga, uning hozirgi zamonaviy tushunilishiga, xususiyatlariga, undagi insoniy ijtimoiy holatga, hokimiyatning mazmun-maqomiga, davlat bilan jamiyat nisbatini ifodalovchi xususiyatlarga, davlat tuzilmasini erkinlashtirish masalalariga, fuqarolik jamiyatining iqtisodiy asoslariga, shuningdek, islohotlarning “o’zbek modeli” orqali mamlakatimizda ochiq fuqarolik jamiyatini shakllantirishning

1. 
   O’razayev Sh.Z. Mustaqil O’zbekistonning Konstitusiyasi. – T., 1993; O’sha muallif. Vlast i zakon. – T., 1991;
   

Azizxo’jayev A.A. Davlatchilik va ma’naviyat. – T.: Sharq. 1997; Islomov Z.M. Fuqarolik jamiyati: kecha, bugun, ertaga – T., 2002; Odilqoriyev X.T. Konstitusiya va fuqarolik jamiyati. – T., 2002; Odilqoriyev X., G’oyibnazarov Sh. Siyosiy madaniyat. – T., 2004; Jalilov Sh.I. Kuchli davlatdan kuchli jamiyat sari. – T., 2001; Sharifxo’jayev M. O’zbekistonda ochiq fuqarolik jamiyatining shakllanishi. – T., 2003; Jo’rayev S. Fuqarolik jamiyati: nazariya va amaliyot. – T., 2003, Tadjixanov U., Saidov A. Huquqiy madaniyat nazariyasi. 1 – 2 tom. – T. 1998; Umarova K. Politicheskaya kultura narodov Uzbekistana i Karakalpakstana: istoricheskiy opqt formirovaniya. – Nukus, 1995;

Xalilov E.H. O’zbekiston Respublikasining qonun chiqaruvchi oliy organi: soxta vakillikdan haqiqiy parlamentarizmga qadar. – T., 2001; Musayev F. Demokratik davlat qurishning falsafiy-huquqiy asoslari. – T.,
2007; Qirg’izboyev M. Fuqarolik jamiyati: nazariya va xorijiy tajriba. – T., 2006 va boshq

2. 
   Қаранг: Резник Ю.М. Граждонское общество как феномен цивилизации. –М.: 1993; Проблемы формирования гражданского общества. –М.: 1993; Граждонское общество и перспиктивы демократии. –М.: 1994; Граждонское общество. Мировой опыт и проблемы России. –М.: 1998; Туров И.С.Общество как социальная система. // Социально-политический журнал. 1994, №12; Френк Ричард Д. Государство, общество и бизнес в условиях индустриальной демократии.// Проблемы теории и практики управления, 1993, №1; Кравченко А.И. Введений в социологию. –М.: 1994; Очерки по истории теоретической социологии XIX – нач. ХХ вв. –М.: 1994; Политология (под ред. Т.В. Полуниной). –М.:1998; Человек и общество. // Социально-политологии. –М.: 1995 ва б
   

7

nazariy va amaliy jihatlariga ilmiy-publisistik nuqtai nazardan baho beradi. Muallifning umumiy xulosasiga ko’ra, “Fuqarolik jamiyati mustaqil ishlab chiqaruvchi, mustaqil erkin xaridor, mustaqil ozod fuqaro jamiyatidir”. Biroq, asarda “mustaqillik” holatlarini mustaqillashtirish ruhi ustuvorlik qiladi.
Professor Z.M.Islomovning “Fuqarolik jamiyati: kecha, bugun, ertaga” risolasida fuqarolik jamiyati ijtimoiy hodisasining paydo bo’lish– shakllanish bosqichlari, uning mohiyati, tarixiy ildizlari, xususiyatlari, davlat bilan fuqarolik jamiyatining o’zaro nisbati, asosiy tamoyillarini atroflicha ilmiy tahlil qilib chiqadi.
Faylasuf va siyosatshunos olimlarimizdan prof. N.Shodiev, dotsentlar S.Hasanov, T.Do’stjonov va M.Qirg’izboevlar fuqarolik jamiyati tahlilini qadimgi Sharq va G’arb, xususan, yunon mutafakkirlari ilmiy, ijtimoiy-siyosiy va falsafiy merosidek tarixiy poydevorga tayangan holda amalga oshiradilar. Bunda ular adolatli huquqiy davlat g’oyasiga, fuqarolik jamiyatida boshqaruv tartibi masalalariga alohida e’tibor qaratadilar. Masalan, M.Qirg’izboevning “Fuqarolik jamiyati: nazariya va xorijiy tajriba” nomli monografiyasida tahlil etilayotgan hodisaning umumiy tushunchasi, unsurlari: siyosiy partiyalar, nodavlat notijorat tashkilotlar, o’zini o’zi boshqarish organlari kabi fuqarolik jamiyati institutlarining shakllanish bosqichlari bayon etilgan, shuningdek, fuqarolik jamiyatining tashkil topishi, uning huquqiy davlat bilan munosabatlariga doir xorijiy tajriba nazariy jihatdan umumlashtirilgan.
Professor X.T.Odilqoriev “Fuqarolik jamiyatining mohiyati va qadriyatlari tizimi” hamda “Konstitutsiya va fuqarolik jamiyati” nomli asarlarida fuqarolik jamiyatining mohiyati, mazmuni, yuridik tabiati va ta’rifi, fuqarolik jamiyatini shakllantirishning konstitutsiyaviy zamini, uning tarkibiy tuzilishi va faoliyat yuritish tamoyillari, bu jamiyatning madaniyati, ma’rifiy qadriyatlari, ma’naviy-axloqiy asoslari, fuqarolik jamiyati bilan huquqiy davlatning o’zaro munosabati, fuqarolik jamiyati sharoitida inson huquqlarini muhofazalash mexanizmi kabi masalalar borasida muhim ijtimoiy-huquqiy xulosalar chiqaradi.

8

M.Sharifxo’jaev, X.Odilqoriev, Z.M.Islomov kabi olimlar muammoning tahliliga qo’shgan eng qimmatli hissasi shundaki, ular fuqarolik jamiyatini uch nuqtai nazardan: ijtimoiy-iqtisodiy, ijtimoiy-siyosiy va ma’naviy-madaniy (axloqiy) jihatlarning bir butunligi deb talqin qilishni taklif etadilar. Fuqarolik jamiyatining madaniy, ma’rifiy-ma’naviy, ijtimoiy-axloqiy jihatlariga e’tibor bizning mazkur tadqiqotimiz uchun alohida ahamiyat kasb etadi.
Faylasuf olim F.Musaev “Demokratik davlat qurishning falsafiy-huquqiy asoslari” nomli doktorlik dissertasiyasida bugungi kunda mamlakatimizda fuqarolik jamiyati va huquqiy davlat shakllanishiga doir tarixiy va zamonaviy ilmiy-nazariy qarashlar (konsepsiyalar)ni tahlil etgan. Unda fuqarolik jamiyati qurishning milliy mafkuraviy, ma’naviy, huquqiy-madaniy jihatlariga ham e’tibor qaratilgan¹.
Mustaqil taraqqiyot yillarida fuqarolik jamiyatini shakllantirish bilan bog’liq islohotlar jarayoni umumiy tahlili barobarida uning ma’naviy asoslariga ham e’tibor qaratilib, huquqiy mafkura, huquqiy madaniyat, qonun ustuvorligi va qonunga itoatkorlik muammolari ilmiy tadqiqotlar mavzusiga aylandi. Bu muammolar ustida U.Tadjixanov, A.Saidov, E.M.Abzalov, R.Mahmudov, E.H.Xalilov, N.Vaxobov, F.Xayitboev, Sh.Bilolxo’jaeva va boshqalar samarali ish olib bordilar. Professorlar U.Tadjixanov bilan A.Saidovlarning huquqiy madaniyat nazariyasiga oid darslik va monografiyalarini alohida ta’kidlab o’tish lozim².
Fuqarolik jamiyati, huquqiy madaniyatining mohiyati, tushunchasi, funksiyalari, uslublariga oid izlanishlar quyidagi mualliflar tomonidan amalga oshirilgan: E.V.Agranovskaya, N.M.Keyzerov, V.P.Kudryavsev, A.L.Likas, E.A.Lukasheva, G.V.Malsev, V.M.Mejuev, V.P.Salnikov, A.R.Ratinov,

1. 
   Musayev F. Demokratik davlat qurishning falsafiy-huquqiy asoslari. – T., 2007.
   

2. 
   Qarang: Tadjixanov U., Saidov A. Huquqiy madaniyat nazariyasi. 2 jildli. – T.: O’zbekiston Respublikasi IIV
   

Akademiyasi. 1998; Таджиханов У. Научно-теоретические проблемы правовой культуры. Автореф.дисс... д-ра юрид.наук. – Т., 1995; Xalilov E. Ijtimoiy turmushda huquqiy ongning o’rni. – T., 1997; Хамраев А.У. Правовая культура личности. Автореф. дисс... канд.юрид.наук. – Т., 1999; Абзалов Э.М. Проблемы формирования правовой культуры молодежи. Автореф. дисс... канд.юрид.наук. – Т., 2000; Vaxobov N. O’zbekistonda huquqiy mafkuraning shakllanish muammolari. Yurid.fan.nomzodi... Avtoreferat. – T., 1997.

9

Yu.M.Reznik, A.P.Semitko, V.V.Lapaeva, V.S.Nersesyans, M.N.Marchenko, N.I.Matuzov, V.A.Chetvernin, Ya.S.Yaskevich va boshqalar¹.
Biz malakaviy bitiruv ishida boshqalardan farqli ularoq ijtimoiy tashkilotlar tugrisida va ularning fuqarolik jamiyatga o’rni va ta’sirini yoritib berishga xarakat qilamiz.
Diplom ishning maqsadi ijtimoiy tashkilotlarning O’zbekistonda fuqarolik jamiyatini shakllantirish o’rni va rolini ochib berish.
Diplom ishning obekti fuqarolik jamiyatning rivojlanish xususiyatlari va
ijtimoiy tashkilotlar.
Predmeti esa fuqarolik jamiyatni shakllantirishda ijtimoiy tashkilotlarni
rolini ko’rsatish
Mavzuni yoritishda diplom ishida bir nechta masalalar ko’rib
chiqilgan. Fuqarolik jamiyati ko’p aspektrli hodisa hisoblanadi. Lekin bitiruv ishida biz maqsadga erishish uchun qo’yidagi vazifalarga ahamiyat berdik.
Birinchidan, Fuqarolik jamiyatining nazariy-tarixiy talqinini tahlil qildik. Bu yerda O’zbekistonda demokratik jamiyat to’g’risidagi qarashlar va uning
rivojlanish bosqichlari, ijtimoiy tashkilotlar-fuqarolik jamiyatining asosiy elementlari, fuqarolik jamiyati demokratik sivilizasiyaning oliy shakllari sifatida tahlil qilingan.
Ikkinchidan, O’zbekistonda fuqarolik jamiyati shakllanishining o’ziga xos xususiyatlarini ko’rib chiqdik. Ushbu savolni yoritishda Konstitusiyaviy davlatchilik-fuqarolik jamiyat asosi, islohatlarni o’zbek modeli va modernizasiyalashtirish imkoniyatlari, Ijtimoiy hamkorlik – fuqarolik jamiyat institutlarining rivojlanishi va istiqbollari muammolari ko’rib chiqilgan.

1. 
   Қаранг: Аграновская Е.В. Правовая культура как фактор общественной жизни. – М., 1982; Унинг: Правовая культура и обеспечение прав личности. – М., 1988; Ершова Л.А. Правовая культура должностных лиц и пути его формирования. Автореф. дисс... канд.юрид.наук. – М., 1991; Сальников В.П. Правовая культура: теоретико-методологический аспект. Автореф. дисс... д-ра юрид. наук. – Л., 1990; Кейзеров Н.М. Политическая и правовая культура – М., 1983; Гражданское общество. Мировой опыт и проблемы России. – М., 1998; Межуев В.М. Гражданское общество, правовое государство, право. – М., 2002, Резник Ю.М.Гражданское общество как феномен цивилизации. – М., 1993; Проблемы общей теории права и государства. – М., 2000; Лукашева Е.А. Права человека. – М., 1999; Ликас А.Л. Культура правосудия. – М., 1990; В.А.Четвернин Демократическое конституционное государство: введение в теорию. – М., 1993 ва бошқ.
   

10

Malakaviy bitiruv ishining metodologik asosi va metodlari: O’zbekiston Respublikasi Konstitusiyasi, O’zbekiston Respublikasi Prezidenti Islom Karimovning asarlarida bayon qilingan imkoniyati cheklanganlarni huquqiy muhofazani shakllantirish haqidagi fikrlari, O’zbekiston Respublikasi «Ta’lim to’g’risida»gi Qonun va «Kadrlar tayyorlash milliy dasturi», Oliy Majlisning imkoniyati cheklanganlarni muhofaza qilishning huquqiy negizlariga oid qabul qilgan qonunlari, xalqaro hamda mamlakatimizda qabul qilingan aholining shu toifasiga taaluqli qonun hujjatlari ushbu malakaviy bitiruv ishining metodologik asosi sifatida olindi.
Prezidentimiz asarlariga yondashgan holda bu savollarni yoritishda bizlar umumilmiy va empirik metodlarni asos qilib ayniqsa analiz, qiyosiy taqqoslash, kuzatuv, tarixiylik va mantiqiylik va hujjatlarni tahlil qilish metodlari orqali yuqoridagi muammolarni yoritishga harakat qildik.
Malakaviy bitiruv ishining tarkibiy tuzilishi va hajmi: Malakaviy bitiruv ishi 64 betni tashkil qilib, kirish, ikki bob, beshta paragraf, umumiy xulosalar, foydalanilgan adabiyotlar ro’yxatidan iborat.
Bitiruv ishining amaliy ahamiyati. Bitiruv ishnning ilmiy natijalari Tarix-falsafa fakulteti talabalari uchun ma’lumot manbai sifatida, boshqa fakultet talabalari uchun «Siyosatshunoslik» fanida hamda «Demokratik jamiyat qurish nazariyasi va amaliyoti» fanini o’zlashtirish jarayonida foydalanish va shu mavzu bo’yicha tadqiqitlarni olib boruvchi mutaxasislar foydalanish uchun maqsadga muvofiqdir.

11

I-BOB. FUQAROLIK JAMIYATINING NAZARIY-TARIXIY TALQINI.
1.1.§ O’zbekistonda demokratik jamiyat to’g’risidagi qarashlar va uning rivojlanish bosqichlari

Xar qanday davlat o’z jamiyatining tarixiy, madaniy va axloqiy merosi, negizlari asosida rivojlanishida yangi bosqichlarga ko’taradi uning istiqbol omillarini kengaytiradi. Ajdodlarimiz tomonidan yaratilgan yana shunday davlatchilik merosi insoniyatning tarixi rivojiga ulkan xissa qo’shgan¹.

Prezident I.A.Karimov tarixchi olim va jurnalistlar bilan bo’lgan uchrushuvida ta’kidlaganidek xozir O’zbekiston deb ataluvchi xudud, ya’ni bizning Vatanimiz nafaqat Sharq balki umumjaxon sivilizasiyasi beshiklaridan biri bo’lganligini butun jaxon tan olmoqda. Bu qadimiy va tabarruk tuproqdan buyuk allomalar, fozilu-fuzalolar, olimu-ulamolar, siyosatchilar, sarkardalar yetishib chiqqan. Diniy va dunyoviy ilmlarning asoslari mana shu zaminda yaratilgan, saykal topgan. Darxaqiqat, Mavarounnaxr oralig’ida paydo bo’lgan ulkan davlatchilik madaniy meros insoniyat tarixi ibtidosida eng dastlabki xolda qadimiy davlatchilik, madaniyati sifatida ma’lum. Ayni paytda bunday meros mustaqilligimiz sharofati bilan milliy davlatchilik to’g’risidagi ta’limotlarni urganish imkoniyatini ochib berdi².

1. 
   I.A. Karimov O’zbekiston Respublikasi Oliy Majlisi Qonunchilik palatasi va Senatining 2010 yil 12 noyabrdagi qo’shma majlisidagi “Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi” mavzusidagi ma’ruzasi. T.: 2010. 70-b
   

2. 
   I.A. Karimov O’zbekistonning siyosiy, ijtimoiy, iqtisodiy istiqbolining asosiy tamoyillari. O’zbekiston Respublikasi Oliy Majlisining birinchi sessiyasidagi ma’ruza. 1995 yil, 23 fevral. “Vatan sajdagoh kabi muqaddasdir” kitobida, 3 jild, - Toshkent: O’zbekiston, 1996 yil, 10 bet.
   

12

Ma’lumki O’zbekistonda milliy davlatchiligimiz to’g’risidagi eng qadimgi manba "Avesto"dir. U eramizdan oldingi 3 minginchi yillarda ajdodlarimiz tomonidan yaratilgan ilk davlatchilik to’g’risidagi ijtimoiy qarash xiisoblanadi. Agar "Avesto" da ilgari surilgan g’oyalarga e’tibor beradigan bo’lsak, bugungi adolatparvar demokratik jamiyat barpo etishga qaratilgan g’oyalarimiz bilan xamoxang ekanligini ko’ramiz¹.

Davlatchiligimiz asoslarini shakllantirish borasida "Avesto" deyarli bir ijtimoiy masalalar, qadimgi geografik tushunchalar, etnik jamoalar, viloyat xududlari ularning nomlari, qadimgi mamlakatlarning ruyxati, iqtisodiy va ijtimoiy munosabatlar, ijtimoiy va siyosiy tuzum asoslari, zardushtiylarning falsafasi, dunyo tarixining rivojlanishi xaqidagi ma’lumotlarini uz ichiga kamrab oladi.
Manbada avvola inson erki, komilligi, ruxiy sog’lomligi masalalari ustuvor kuyiladi. Masalan, men yaxshi fikr, yaxshi so’z, yaxshi ishga shon-shavkat baxsh etaman deyiladi. "Yasna" (14) kitobida Axuramazda, insonlar o’rtasida bo’layotgan munosabatlar uzaro samimiylik, xurmat, begaraz yordam va okibatli bo’lish zururligiga, yomon fikrlardan xoli bo’lishga ishora qiladi. Kattaga xurmat va kichikka izzat, sabr-bardoshlilik xalollik, mexr okibat va boshqa bir qator tamoyillar borki milliy goyamizning asosiy tamoyillariga uygun keladi².

G’oyalarning bunday tarzda qo’yilishi dunyo ana shu kuchlarning yonma-yon yashashidan iborat, degan falsafaning moxiyatini anglashga undaydi. ³ Shu tariqa "Avesto" usha zamonda yashagan odamlar o’rtasidagi munosabatlarni barqarorlashtirishda davlatga bo’lgan extiyoj va zururiyati ularoq yuzaga kelgan manba bo’lib xisoblanadi.

"Avesto"da eng muxim masalalardan biri bu xuquqiy munosabatlarning nazariy jixatdan shakllanganligidir. Unda inson xayoti va odamlar o’rtasidagi ijtimoiy-iktisodiy munosabatlar xuquqga asoslanganligi xaqida ma’lumot bor. Xaqiqat yaxshi so’z va maqsad, poklik va ezgulikka intilish, suv, er, olov, xonadon va chorvani asrab-avaylash axloqiy burch bo’lib sanalgan. Inson uzining ishlari va

1. 
   Otamurodov S. “Avesto” “Milliy g’oyamiz manbayi jamiyat va boshqaruv” 2002 y, 34 bet
   

2. 
   Абдукомилов Р.Авестийский текст о государственности и правой вопрос--- и эволюции структуры, O’zbekiston tarixi, 2000y 3 son, 22 bet
   
3. 
   Otamurodov S. “Avesto” Milliy g’oyamiz manbayi jamiyat va boshqaruv” 2002 y, 34 bet
   

13

fikrlari bilan yaxshilik, yorug’lik va baxt keltiruvchi, xayot va xaqiqat beruvchi oliy tangri Axuramazdaga yordamchi bo’lib xizmat qiladi.
Oila va jamoada berilgan so’zdan yoki maqsaddan voz kechish, odamlar o’rtasida tuzilgan axdnomani buzish katta gunox xisoblangan. "O Spitamen shartnomani buzuvchi kishi butun mamlakatni buzadi shu bilan birga o’rtaga tegishli barcha mol-mulkga putur etkazadi. O Spitamen, axtingni buzma" (yasht. X bob) ¹
Tarixiy xujjatlar asosida aytish mumkinki, "Avesto"ning "Yasna", "Visprat", "Yasht", "Videvdat" kitoblarida ilgari surilgan xuquqiy ta’limotlar Rim xuquqidan qadimiyroq xisoblanadi, boz ustiga ular keyinchalik tashkil topgan davlatlar siyosiy tizimning shakllanish manbasi bo’lib xam xizmat qilgan. Shu tariqa "Avesto" Grek mutafakkirlari va Rim xuquqshunoslari ijodida o’zining xar tomonlama mukammaligi bilan ta’sir ko’rsatgan. Jumladan, inson xuquqi jismoniy va xuquqiy shaxs erkinligi, inson erkinligi, erkak va ayolning tengligi masalasi, ozchilikning xuquqiy, voyaga etmaganlar xuquqi shartnomalarning majburiylik xuquqi, mol-mulk xuquqi, oila xuquqi shartnomalarning majburiylik xuquqi, jinoyatning qasddan yoki extiyotsizlik natijasida sodir etilgan jinoyat turlari ishlab chiqilgan, ug’rilik yoki bosqinchilik farqlari tasniflangan ximoya xuquqi va sud ishlarini yuritish xamda tashkil etish kabi boshqa xuquqiy tamoyillari o’z ifodasini topgan.
X-XIII asrlar O’rta Osiyo tarixida shunday murakkab davr bo’lgan xalqning o’z mustaqilligi uchun kurashishi, bunda xurriyat va inson erkinligi g’oyalari millatni ma’naviy yuksalishga olib kelgan. Bu davr uz mazmuni, salmogi jixatidan O’rta Osiyoda uygonish davri deb tarixga kiradi². Uyg’onish davri madaniyatining o’zigi xos tomonlari mavjud bo’lib ular quyidagilardan iborat edi:

1. 
   Dunyoviy ma’rifatga intilish bu yulda utmish va kushni mamlakatlarning madaniyati yutuklaridan keng foydalanish ayniqsa ijobiy-falsafiy, diniy, tarixiy xamda ijtimoiy ilmlarni rivojlantirish.
   

1. 
   Sa’dullayev A, Aminov, Mavlonov, U Norqulov O’zbekiston tarixi, Davlat va jamiyat taraqqiyoti. Т.Akademiya 2000 y. 31 bet
   

2. 
   O’zbekistonda ijtimoiy-falsafiy fikrlar tarixidan. T.: “O’zb”, 1995. 182 bet
   

14

2. 
   Tabiatga qiziqish
   

2. 
   Insonni ulug’lash
   

2. 
   Qomusiylik
   

2. 
   Davlat qurilishi va boshqaruv
   

2. 
   Davlat raxbari
   

Bu davrning yirik namoyondalaridan biri Abu Nasr Farobiy o’zining "Fozil odamlar shahri" asarida insoniyat jamiyatining vujudga kelishi va rivojlanishning muayyan tabiiy davlatga bo’lgan ehtiyojlarining paydo bo’lishini, unda adolat va axloqning shakllanish qonuniyatlari nazariy jixatdan tasnifini yaratganligi bilan mashxurdir. Shu tariqa yaxshi davlat shakllari va unda boshqaruvning muntazam, izchil siyosiy tizimini yaratishga erishadi. Masalan, fozillar shahrining (davlat nazarda tutiladi) tarkib topishi va unda qanday axloqiy sifatdagi shaxsning raxbar bo’lishi tasniflari bugungi demokratik jamiyat qurishning bevosita nazariy talablari bilan uyg’un keladi. Bu borada A.N.Farobiy-ularning o’zlaridan saylangan raxbar yoki boshliqlar xoqimi mutloq bo’lmaydi, ular odamlar ichidan kutarilgan, sinalgan eng olijanob raxbarlikka loyiq kishilar bo’ladi. Shuning uchun bunday raxbarlar uz saylovchilarini to’la ozodlikka chiqaradilar, ularni tashqi dushmandan muxofaza qiladilar¹ deb takidlaydi. Davlat boshqaruvida demokratik tamoyillarni ta’minlash bilan bogliq axloqiy qadriyatlarni tizimlashtirish, e’tiborli jixati shundaki, Farobiy qarashlaridagi "xoqimi mutloq bo’lmasligi, saylovchilar irodasi", "ozodlik" kabi fikrlari nafaqat shu davr, balki butun insoniyat madaniyatining-demokratiyani bosh goyasi bo’lib xizmat qiladi.

Ayni paytda, Farobiy fozil shaharlarning (davlatning) ziddiyatli bo’lgan shaharlarning ijtimoiy mohiyatini ochib beradiki, bu totalitar davlat tizimiga xos keladi. Masalan, johil shaxrining bir necha xususiyatlarini ko’rsatadi. Bunday shaharlar adolatli jamiyat qurish to’g’risidagi ta’limotlarga zid ekanligi ko’rsatiladi.
Davlat va uning boshqaruviga daxldor masalalar Yusuf Xos Xojib ijodida xam katta urin tutgan. U "Kutadg’u bilig" dostonida davlatni boshqarish amallari

1. 
   Abu Nasr Forobiy “Fozil odamlar shahri” 1993 y, Т. 198 bet
   

15

qoidalari va siyosiy-axloqiy munosabatlarni jamiyatda qaror toptirishga qaratilgan qarashlari bilan e’tiborlidir.
U davlat boshqaruvi va xizmatini tashkil etish turlarini, hamda shu darajalarga muvofiq sifatlarini tasniflaydi.¹ Shoxlikka da’vogarlar onadan bir ajib iste’dod bilan tug’iladilar va ular darxol yaxshi yomonni ajratish fitratiga ega bo’ladilar. Bundaylarga Xudo idrok, farosat va yumshoq bir kungil ato etadilar, qolaversa yaxshi ish yuritish uquvi bilan xam ishlaydi² deydi. Ayni paytda ana shunday iste’dodning tasniflarini Farobiy singari 12 sifatlarini ko’rsatish bilan birga uning vazifasi va majburiyatlarini belgilaydi. Bunda u jamiyat tabaqalarini 15 toifaga ajratib, xar biriga ko’rsatilishi lozim bo’lgan muruvvatni adolatli davlatni mustaxkamlashda va uning boshqaruvini tashkil etishda muxim omil ekanligiga e’tiborni qaratadi.
Unga zamondosh bo’lgan qomusiy olim Ibn Sino O’rta Osiyo tabiiy-ilmiy va ijtimoiy-falsafiy fikrlarning buyuk namoyondasi tibbiyot, ijtimoiy-siyosiy, axloqiy ta’limotlar tarixiga ulkan xissa qo’shgan mutafakkirdir.
Adolatli davlat boshqaruvchisi uning mukammal tizimini yaratish borasida ulkan ilmiy meros qoldirgan O’rta asrlar mutafakkiri Nizomulmulkning "Siyosatnoma" asari muxim manba xisoblanadi. Amaldorlarni axloqiy fazilatlarga qarab tanlash adolat va insofni oyok osti qiladigan kishilarni davlat ishlariga aralashtirmaslikni, davlatni boshqarishda kengash bilan olib borishi, faoliyatlarni muntazam nazorat qilish, itoat, ijro sifatlari to’g’risidagi fikrlari bilan axamiyatlidir. Ayniqsa, Nizomulmulkning "Ko’pchilik bo’lib qabul qilingan qaror eng sabobli bo’ladi va shunday yul tutish kerak"³ degan qarashlari ajdodlarimizning davlat qurilishining demokratik tartiblariga nechog’lik darajada axamiyat berganligidan dalolat beradi.
Diniy-ilmiy tadqiqotlarda borliq, iloxiy qudrat, inson komilligi, adolat-insof, diyonat, vijdon kabi g’oyalar inson ruxiyatini poklash orkali erkin jamiyatga chorlanadi. Bu borada J.Rumiy shunday deydi "Inson bir buyuk mu’jiza va uning

1. 
   Yusuf Xos Xojib "Qutadg’u bilig" Т, Fan 1971y 328-b
   

2. 
   O’sha asar 329 bet
   

3. 
   Nizomulmulk “Siyosatnoma” Т.Adolat 1997 y. 98 bet.
   

16

ichida xamma narsa yozilgan. Biroq zulmat va pardalar borki, ular yozuvlarni o’qishga imkon bermaydi. Zulmat va pardalar, turli-tuman mashg’ulotlar insonning dunyo ishlari borasida olgan tadbirlari va kunglining so’ngsiz orzularidir".¹ Darhaqiqat, J.Rumiyning qarashlarida insonning farqi uning komilligiga asoslanadi. Shuning uchun u dunyoga erki, dini, millati, tabaqasidan qat’i nazar, barcha insonlarga barobar murojaat qiladi. "Menga vaxdan mayini tutgil, uzgalarni ham ondin baxramand etgil, toki jamoat bo’lib, fakat suvratda bo’lmish tafovutlarni bartaraf etaylik. Biz xammamiz yagona yogochning butoklari, yagona qo’shinning navkarlarimiz".² Jaloliddinning bashariyat birligi xaqida gapirishi davr uchun mislsiz jasorat edi.
Ijtimoiy-siyosiy taraqqiyot rivojining ma’naviy asoslarini urganishda O’rta Osiyoda vujudga kelgan tasavvufchilar oqimining axamiyati xam aloxida muxim urin tutadi. Tasavvuf ta’limoti asosida adolat, xaqiqat, to’g’rilik, mexr-shafqat, insof, iymon-e’tiqod, ilm, mexnatsevarlik, vatanparvarlik kabi umuminsoniy g’oyalarni targibot qiluvchi futuvvatga asoslangan bir kancha diniy, siyosiy oqimlar paydo bo’ladi. Ular jamiyatning axloqsiz unsurlariga goyaviy kuch sifatida qarshi qo’yiladi.
Bu borada A.Yassaviy shunday deydi: "Shayx uldurkim niyoz olsa, miskinlarga, garib, bechoralarga bergaylar. Agar olib o’zi esa, murot et emishdek bo’lgay. Agar tun qilib kiysa, ul tun tuzguncha Xaq Taola namoz, ruzasini qabul qilmagay va biror olgan Niyozidin non qilib esa, Xaq Taola oni duzaxda turluk azobga girifdor qilgay va agar andog shayxga xar kishi e’tiqod qilsa kofir bo’lgay".³
Yassaviyning xikmatlarida raxbar shaxslarning sifatlari to’g’risidagi talqinlar deyarli ijodining asosini tashkil etadi. Chunki, shu davrda xalq orasida katta obru-e’tiborga ega bo’lgan sufiy shayxlar siyosatiga bevosita aralashib kelganlar. Bu borada Amir Kulolning ugli, amir Umarning qarashlari (1406 yil

1. 
   Rumiy “Ichingdagi ichingdadir”. Т.”Yozuvchi” 1997 y 51 bet
   

2. 
   Fish Red, Jaloliddin Rumiy. Т. "Adabiyot va san’at" nashr 1986 y, 241 bet ³Axmad Yassaviy. “Devoni hikmat”. Т. "G’.G’ulom" nash. 1992 y. 8 bet
   

17

ulgan) siyosatning nazariy va amaliy moxiyatini ochishda e’tiborlidir. Unda siyosatga shunday nisbat beriladi.
"Bilgilkim, siyosat-tutib turish va tartibga solishdir, yomon kishilarni qo’rquv va titroqda tutmoq, yaxshilarni taqdirlamoq kerak. Agar siyosat bo’lmasa, davlatning muxim ishlari amalga oshmaydi: agar tartibot, jazo qonunlari bo’lmasa, davlat ishlari xam unglanmaydi. Chunki, hukmdorning, jamoaning ko’rki, davlat va dinning rivoji siyosatdir". Ya’ni din orkali siyosatda umuminsoniy qadriyatlar ifoda etilishi va bunday siyosat esa, bevosita davlat qonunlari orkali oilada uz tasdigini topishiga erishmok lozim deb xisoblayman".¹

Amir Temur uz davridagi xizmatlarining eng asosiy eng buyugi-bu uning davlat arbobi sifatida adolat g’oyalariga asoslangan milliy davlatchilik ta’limotlarining xuquqiy negizlarini yaratganligi xamda uni tadbik etib berganligidir. Shu tariqa uz siyosiy faoliyatini shunday xulosalaydi: "xar mamlakatning yaxshi kishilariga men xam yaxshilik qildim, nafsi yomonlar, buzuklar va axloqsiz odamlarni mamlakatimizdan kuvib chikardim. Pastkash va razil odamlarga uzlariga loyik ishlar topshirdim, hamda hadlaridan oshishlariga yo’l quymadim"².

Undan tashqari «Ulug’larni va sharaf - e’tiborli kishilarni hurmatlab, martabalarini oshirdim. Har mamlakatda adolat eshigini ochdim, zulmu sitam yo’lini to’sdim»³ deb ta’kidlaydi A.Temur o’z tuzuklarida
Shu davrning yirik klassik namoyondalardan biri Alisher Navoiydir. U nazariyotchi va amaliyotchi sifatida davlat siyosatining adolatli asoslari va uning ma’naviy mezonlarini rivojlantirishga katta xissa qo’shadi ayniqsa, adolasizlik va zulm davlatni tanazzulga, jamiyatni jaholatga olib kelishi to’g’risidagi qarashlari o’z ifodasini topadi: "…davlat ishi bilan mashgul amaldorlik choglarimda kungil mulkini turli odatlarning xujumi bo’lgaladi. Goh amirlik urnida utirdim va hukumat maxkamasida xalqning arzdodini surdim va goh podshox yonida vazirlik

1. 
   www.Ziyonet.uz.
   

2. 
   Temur tuzuklari. T.: 1994y. 124 bet
   

3. 
   O’sha asar 144 bet
   

18

qildim va menga umidvor nazar bilan qarab turgan elga muruvvat ko’rsatdim "¹ deydi.
A.Navoiy adolat to’g’risidagi qarashlarida inson ruxiyati bilan boglik ijtimoiy illatlarning moxiyatini izlaydi. Jamiyatda yovuzlikning kelib chikish sababalarini taxlil etadi. Adolatli jamiyatga erishishda nafaqat podshoxning odilligi, balki, fuqarolar o’rtasidagi munosabatlarning adolatli, ma’nan sog’lom bo’lishi lozimligiga e’tiborni qaratadi: "oilamda bo’lmish xar nav’ odam bilan ko’rishdim; katta-kichikning fe’li atvorini o’rgandim; yaxshilik va yomonlikning sharbatini ichib, zaxrini totib ko’rdim. Baxil va paskashlarning zaxmini, saxovatli kishilarning malxamini kunglim darxol sezadigan bo’lib qoldi"² deydi. Ayni paytda, inson ruxiyati bilan boglik illatlar moxiyatiga shunday nisbat beradi: "Yaxshilikka mukofot-kupollik; odob bilan qilingan xushmuomila evaziga kekkayish, takaburlikdan o’zgacha munosabat kurmaymiz. Birovga bir xizmat qilsang, undan un zarb eyishga tayyor turmoq kerak; kimgaki bir tavoze’ kursatsang, ming qupollik va dilsiyoxlikka hozir bilib turmog'ing lozim".³ Shu tariqa, u "Maxbub ul qulub" asarida xar xil odamlarning fe’l-atvori va axvoli, yaxshi fe’l xosiyati va yomon xislat kasofati xaqidagi qarashlari asosida jamiyat ijtimoiy munosabatlarning yaxlit nazariy tizimi, fuqaro-jamiyat-davlat o’rtasidagi axloqiy majburiyatlarni umumlashtirishga erishadi.
Adolat g’oyasi Navoiyning juda ko’p asarlarida turli tarzda ifodalangan. "Xayrat ul-Abror", "Saddi Iskandariy", "Farxod va Shirin", "Sab’ai sayyora", dostonlarining, "Maxbub ul-qulib" asarlarining bosh goyasi adolatdir. Yana shuni aytish kerakki, Navoiyda insondagi juda kup ijobiy xislatlar, chunonchi sadokat, vafo, xayo, saxovat kabilar xam adolat bilan boglab tushuntiriladi. Zero, kishida adolat tuygusi bo’lmasa, unda boshqa sifatlar xam bo’lmaydi ⁴ deb qaraydi.
A.Navoiy zamondoshlari, Arastu, Aflotun, Farobiy, Ibn Sino, Nasriddin Tusiyning ilmiy merosi, asarlarini kunt bilan urgangan, ularning ilmiy va

1. 
   Komilov N/ Navoiy va zamonamiz. Jahon adabiyoti, 2001, fevral soni 10 bet
   

2. 
   Аlishеr Nаvоiy. «Mаhbub ul qulub». T., 1983.-122 b
   

3. 
   Аlishеr Nаvоiy. «Mаhbub ul qulub». T., 1983.-120 b
   

4. 
   Komilov N/ Navoiy va zamonamiz. Jahon adabiyoti, 2001, fevral soni 10 bet
   

19

insonparvarlik g’oyalaridan xabardor bo’lib, uzi shu yunalishda katta meros qoldirgan ijodkorlar Zaxriddin Muxammad Bubur, Xusayin Voiz Koshifiy va Jaloliddin Davoniylardir. Ular davlashunoslik, axloqshunoslik, adabiyot, ta’lim-tarbiya, nasr va nazm soxalarida ijod qilgan yirik olimlardir. Davlat boshqaruvi va uning siyosati bilan boglik bo’lgan ijtimoiy-axloqiy masalalarni M.Z.Boburning "Boburnoma"¹ Koshifiyning "Axloqiy Muxsiniy"², Davoniyning asarida atroflicha bayon qiladi. Ular jamiyatning paydo bo’lishi, ijtimoiy tabakalar, davlat va uni boshqarish yullari, adolatli va adolasiz podshoxlar, ularning fuqarolarga munosabati, axloq va ta’lim-tarbiya masalarini o’z navbatida o’tmish davlatchilik madaniy merosimiz bilan bogliq bo’lgan qadriyatlarimizni yanada boyitishga xizmat qilgan.
Yuqorida ta’kidlaganimizdek, XIV-XV asrdagi ijtimoiy va madaniy yuksalish uz mazmun-moxiyati bilan IX-XII asrlardagi O’rta Osiyodagi Uygonish davrining uzviy davomi edi. Xulosa shundaki, bunday madaniy meroslarning monandlikka intilishi, uning davriy uygunlashuvi xalqlar xayotida taraqqiyot xamda yuksalishiga poydevor bo’lgan nazariy ta’limotlarning rivojlanish boskichlarini kuzatamiz.
Ammo, O’zbekiston xalqlari davlatchilik tarixi o’z taraqqiyotida bir xilda rivojlangan emas. XVI-XIX asrlar O’rta Osiyo xayotida murakkab va keskin burilish davri bo’ldi. Uning murakkabligi avvalo Amir Temur imperiyasining parchalanishi xamda vorislar o’rtasidagi nizolar bilan boglanadi. Doimiy ixtiloflar moydoniga aylanib qolgan Movaraunnaxr Shayboniyxon lashkarlari tomonidan bosib olinadi. Davlatda egasizlik, boshbodoklik xukm suradi.
Mana shunday sharoitda haqiqiy ilm o’rnini diniy aqidaviy qarashlar egallaydi. Natijada anik va tabbiiy fanlar kuvgunga uchraydi, ayniksa matematika va astronomiya orqada koladi. Buning oqibatida ilm-fan rivojining darajasi keskin pasayib ketadi. Ayni paytda, bu davr oldingi mutafakkirlarning ilgor g’oyalarining uzaro faol ta’siri zaiflashuvi bilan xarakterlanadi. Din bevosita davlat siyosatining

1. 
   Qarang: Bobur. “Boburnoma”. Т. “Yulduzcha”, 1989
   

2. 
   Qarang: Ma’naviyat yulduzlari. R.Maxmudov; “A.Qodiriy” nash. 1999. 227 bet
   

20

asosiga, xoqimiyat uning raxnomalari qolida manfaatlarini nikoblovchi mafkuraga aynaladi. Natijada jamiyatda diniy tazyik kuchayadi. Din peshvolari davlat siyosatiga bevosita aralashishi okibatida bir yoklama mafkuraviy zulm ortib boradi. Xar qanday ijodiy xur fikr ta’kibga olinadi¹.
Shunga qaramay O’rta Osiyoda ijtimoiy fikr, falsafa adabiyot, tarix, musika fanlari, me’morchilik, tasviriy san’at rivojlandi, qator madrasa va machitlar kurildi. Jumladan, Ibn Muxammad Yusuf Al-Korabogiy, Muxammad Sharif, Mashrab va Sufi Olloyor, Nodira, Uvaysiy, Dilshod, Komil Xorazmiy, Avaz Utar, Bedil, Fuzuliy, Axmad Xoji ijodiyotida ilgor ijtimoiy g’oyalar yaratiladi.
Shu davr shark mutafakkirlarining ijtimoiy qarashlarini chukur urgangan olim I.Muminov ayniksa, Bedilning falsafiy ijodiga katta baxo beradi. Bedil dastlab islom falsafasini xamda xind falsafasini urganganligini kayd etadi. Uning g’oyalari ma’rifatli bo’lishga, bilim va xunarni urganishga, ayni payt, yovuzlikka murosasiz bo’lishga da’vat qilganligini kursatadi².
E’tirofli jixatlari shundaki, shu davr ijodkorlari kaysi soxada ijod qilmasin, shaxs va ziyolilikka xos kudratda ularning asosiy dikkati xalq va uning turmush dardi bilan bevosita boglik bo’lganligiga amin bo’lamiz. Mulla Olim Maxmud Xoji uzining "Tarixi Turkiston" asarida shunday deydi. "Turkiston xonlari vaktidagi musulmoniyalar nixoyat darajada axvoli olamidan xabarsiz bo’ldilar. Zolim xakamlarga rost va to’g’ri so’zni aytadurgonlar kolmay, zolimlar uchun besh-un tillo badaliga ertadan kechgacha xushomad so’zlar aytib, alar qanday so’z aysa ma’kul deydurgonlar bo’lgon edilar. Ilmu maorifda bo’lsa Turkistonda utgan Ibn Sino, Farobiy, Ulugbek, Ali Kushchi urniga ulturgon olim, faylasufi zamon deganlarimiz izzatu nafs va riyokorlikka tabdil bo’lib, jaxl balosiga mubtalo bo’lgon edilar…"³.
Demak, jamiyat to’g’risidagi dastlabki qarashlar ana shulardan iborat. Bu fan milliy istiqlol goyasi bilan chambarchas boglik xolda rivojlanadi.

1. 
   O’zbekistonda ijtimoiy-falsafiy fikrlar tarixidan. “O’zb”, 1995. 182 bet
   

2. 
   Mo’minov I. O’zbekistonda ijtimoiy-falsafiy tafakkurning rivojlanishi tarixidan. Т.: “Fan”, 1960. 77 bet
   

3. 
   Mulla Olim Maxdumhoji “Tarixi Turkiston” “Nafas” nashriyoti, 1992 yil 100-bet
   

21

1.2