1- mavzu: Morfemika

(ilova-3) 
 
139-mashq. O‘qing. Birlik va ko‘plik sonda kelgan otlarni aniqlang. Ko‘plik shaklda 
kelgan  otlarning  ma’nolaridagi  farqlarni  izohlang.  Gaplarni  ko‘chirib,  ko‘plik 
qo‘shimchasi tagiga chizing. 
 
I.  Quyosh botgan esa-da, hali hammayoq yorug‘, hali kunduzning yallig‘i bilan nafas 
olgan  dashtda  to‘rg‘aylar  ora-sira  “chiv-chiv”lashib  uchishar  edi.  Toshbaqalar, 

---

 
203 
 
kirpitikanlar o‘ynar edilar. Mayda toshlar ustida shildirab oqqan iliq suv bilan chelaklarni 
to‘ldirgandan  keyin,  bet-qo‘llarini  yuvib,  sochlarini  ho‘llab,  dam  olgani  katta  toshga 
o‘tirishdi.  Bu  yerda  chuqur  jimjitlik  hukm  surar  edi.  Qizlar  sekin-sekin  quyuqlasha 
borgan shom qorong‘isida sokin mudragan adirlarga, tepalarga xayolchan termulib, ancha 
vaqt jim o‘tirishdi. (Oybek.) 
II.  1.  Boshlarimga  yostiq  kelar  ko‘p  malol.  (H.  O.)  2.  Halimaxon,  Naziraxonlar, 
Nadimaxon,  Karimaxonlar  Qushday  yengil  uchar  edilar.  (H.  O.)  3.  Mana  hozir  ona  suratiga 
tikilarkan,  uning  yuzidagi  tanish,  ko‘p  voqealarning  shohidi  bo‘lgan  ajinlar,  hech  qachon 
kulmagan qisiq lablar, hasrat to‘la ko‘zlar Nizomjonga: “Bolaginam... Yomonga yondashma!” 
deyayotgandek.(S. Ahm.) 4. Opasi bo‘ynidan, quloqlaridan isirg‘alarini olaturib hiringlab kuldi. 
(S.  Ahm.)  5.  U  o‘z  bolasini  bir  parcha  etdan  katta  qilguncha  ne  mashaqqatlar  tortmagan!  (S. 
Ahm.)  6.  Seni  opichlab    ko‘targan  otangning  bellari  qarsillab  sinib  ketsa  bo‘lmasmidi!  (S. 
Ahm.)