1-§. Masala qanday yechiladi? Biz masala bilan tanishamiz

1.3 Biz rejani amalga oshiramiz
Nimadan boshlashim kerak? Sizni yechim sari yetaklovchi baxtli
g‘oyadan boshlang. Shunday boshlangki, siz u paytda asosiy va bosh
fikrni mahkam ushlagan, hamda o‘zingiz har bir detalni mohiyatini tushunib yeta oladigan holatda bo‘lishingiz kerak. Bu detallar oldinda sizga kerakli bo‘ladi.
Nima qilishim mumkin? Omadingizni mustahkamlang. Barcha detallar ustida algebraik va geometrik amallar bajaring. Har bir qadamning
to‘g‘riligiga mantiqiy tasavvur, fikrlar orqali yoki boshqa yo‘llar bilan
ishonch hosil qilasiz.
Agar masala juda qiyin bo‘lsa, unda siz “katta” va “kichik” qadamlardan ajratib, har bir katta qadamni bir nechta kichik qadamlarga bo‘lishingiz mumkin. Avval, katta qadamlarni tekshirib ko‘ring, keyin, kichik qadamlarga o‘tasiz.
Bu bilan nimaga erishaman? Shunga erishasizki, sizning qo‘lingizda yechim bo‘lib, bunda har bir qadam inkorsiz to‘g‘ri bo‘ladi.
1.4 Biz orqaga nazar solamiz
Nimadan boshlashim kerak? Yechimdan, sizga ma’lum bo‘lgan detallarning to‘liq va to‘g‘riligidan boshlaysiz.
Nima qilishim mumkin? Yechimni turli yomondan sinchiklab o‘rganing va o‘zingizning bilim va ko‘nikmalariningizga tayangan holda,
yaqinlashish nuqtasini toping.
Yechimning detallarini topib chiqing, uni maksimal darajada oddiylashtirishga harakat qiling: yechimning ifodalanish qismiga e’tibor
qiling va, iloji boricha, qisqaroq qilishga harakat qiling.
Yechimning katta va kichik qismlarini ajratishni va ularni yig‘ib,
yaxlit bir butun yechim qilishni va uni yana-da aniqroq bo‘lishini maqsad qilib qo‘ying. Bu metodga, ya’ni sizni yechimga olib borgan metodga qarab, unda nima asosiy hisoblanadi va uni boshqa masalalarga qanday qo‘llash xususida o‘ylab ko‘ring.
Bundan nimaga erishaman? Siz yangi, eng yaxshi yechimni topasiz hamda yangi qiziqarli ma’lumotlarga ega bo‘lasiz. Har qanday holda
ham agarda siz qarab, o‘rganib chiqish va baholashni olingan yechimga
yuqorida ko‘rsatilgandek qo‘llay olsangiz, sizning masalani yechish mahoratingiz oshib boradi.