1-§. Masala qanday yechiladi? Biz masala bilan tanishamiz

Masala yechish uchun tuzilgan rejani amalga oshirish
Tuzilgan rejani amalga oshirishda har bir qadamingizni nazorat qiling. Yechim tomon qo‘yilgan har bir qadam to‘g‘riligini oydinlashtiring. Qo‘yilgan har bir qadamning to‘g‘riligini isbot qiling.
Topilgan yechimni o‘rganish kerak
Natijani tekshirib ko‘rish mumkinmi? Yechish yo‘lini tekshirib
ko‘rish mumkinmi? Xuddi shunday natijani boshqa yo‘l bilan olish
mumkinmi? Masalaga bir qarashda uni yechimini ko‘rish mumkin emasmi? Olingan natijadan boshqa bir masalani yechishda foydalanish mumkinmi yoki yechish usulidan?
Yechimni qanday izlash kerak
1. Tavsiya qilingan masalani tushunish.
2. Oraliq (qo‘shimcha) masalalarni ko‘rish orqali noma’lumlardan
ma’lumlarga yo‘l topish (tahlil).
3. Topilgan g‘oyani, yechimni topish uchun amalga oshirish (sintez).
4. Yechimni tekshirish va uni tanqidiy baholash.
Tavsiya qilingan masalani tushunish
Masala to‘la o‘rganildi, masalaning sharti, talabi yoki masalada berilganlar va izlanganlar, shuningdek, ma’lumlar va noma’lumlar aniqlanadi. Masalada noma’lumlarni topish uchun berilganlar yetarlimi yoki
yoki ular keragidan ortiqmi? Shuningdek, ular yetishmaydimi? Berilgan
masala bilan oldindan yechimi ma’lum bo‘lgan birorta masala o‘rtasida
bog‘liqlik mavjudmi? Shuningdek, masala yechilishi soddaroq bo‘lgan
boshqa bir masala bilan bog‘langanmi yoki yechimi ma’lum masala bilan yuqorida qayd qilinganlarni har bir oraliq masalalarni yoki qismiy
masalalarni yechish jarayonida takrorlash lozim bo‘ladi.
Yana bir marta masala shartida berilgan barcha imkoniyatlardan
to‘la fo‘ydalanildimi-yo‘qmi?
Oraliq (qo‘shimcha) masalalarni ko‘rish orqali noma’lumlardan
ma’lumlarga yo‘l topish (tahlil)
‒ ma’lumlar va noma’lumlar orasidagi munosabatlarni bayon qilish;
‒ noma’lum elementlarni almashtirish;
‒ berilganlarga yaqinroq bo‘lgan yangi o‘zgaruvchilarni kiritish;
‒ masalada berilgan elementlarni almashtirish;
‒ shu yo‘l bilan yangi berilgan noma’lumlarga yaqinroq bo‘lgan
elementlarni hosil qilish;
‒ masalani bir qismini yechish;
‒ ayrim shartlarni qanoatlantiruvchi qismiy yechimlar berish va
bular orqali mumkin qadar noma’lumni topishga yaqinlashish;
‒ umumlashtirish. Xususiy hollarni ko‘rish va topilgan o‘xshashliklarni tatbiq qilish.