1 – ma’ruza ijtimoiy ekologiya fani reja

      Paleontologik  yodgorliklarga  -

  toshga  aylanib  ulgurgan,  izlari  yaxshi 

saqlangan o‘simlik va hayvon qoldiqlari uchraydigan joylar misol bo‘ladi. 

       

Biologik  yodgorliklarga  -

  Sayrob,  Qorliq,  Urgutdagi  yoshi  800-1000  yillik 

chinorlar, Vaxshivor Oqsuv yong‘oqlari, SHofrikon saksovulzorlari va boshqalarni 

misol keltirish mumkin. 

       Arxeologik yodgorliklarga -

 ma’lum bir vaqtda inson qo‘li bilan yaratilgan: 

sug‘orish  inshootlari,  shahar  qoldiqlari,  korizlar,  quduqlar,  sardobalar,  qadimiy 

yozuvlar,  rasmlar,  shaxmat  donalari  va  boshqa  asori-atiqalarni  misol  keltirish 

mumkin.  Afrosiyob,  Varaxsha,  Surxondaryo  viloyati  xududidagi  Qoratepa, 

Fayoztepa,  Zo‘rmulla  minorasi,  eski  Termiz  ko‘shki,  Qirqqiz  qal’asi,  Al-Hakim 

Termiziy  majmuasi,  Sulton  Saodat,  Kokildor  ota  majmualari,  ko‘hna  Samarqand, 

Buxoro,  Urganchdagi  ochiq  osmon  ostidagi  muzeylar,  Surxondaryo  viloyati 

Zarautkampir yodgorliklaridan  topilgan yozuvlar va rasmlar dunyoga mashhurdir. 

SHuni ham ochiq e’tirof etish kerakki, mamlakatimiz tabiat yodgorliklarini ruyxatga 

olish va atroflicha keng qamrovli o‘rganish mustaqillik tufayli endigina boshlandi.