1 – маъруза энергетика энергия тежамкорлиги ва энергетика ресурслари

2. Европанинг турли давлатларида энергиядан фойдаланиш ва истеъмол қилишнинг самарадорлиги

ХХ асрда бизнинг сайёрамиз давлатлари иқтисодиётининг жадаллик билан ривожланиши, иссиқлик энергетика ресурсларини янада кўп сарфини талаб қилди. Йилдан-йилга нефть, газ ва кўмир қазиб чиқариш ўсиб борди. Бир қараганда ушбу манбалар битмас туганмас бўлиб-кўрингандек эди. 1973-1974 йиллардаги энергетика тақчиллиги, кўп мамлакатларни муқобил энергия манбаларидан фойдаланиш кераклиги тўғрисида ўйлаб кўришга ва иссиқлик энергетика ресурсларидан тежаб-тергаб фойдаланишга мажбур қилди, бу эса кўп давлатларни ўз-ўзини энергия ресурслари билан таъминлаш даражасини оширди(1.2-жадвал). Лекин, ҳозирда барча европа давлатлари учун энергетика муаммоси долзарб бўлиб қолмоқда, чунки европанинг айрим давлатларида ўз ресурслари билан таъминлаш даражаси 20-50 % ни ташкил этади.

Баъзи давлатларда ўз-ўзини энергия ресурслари билан таъминлаш динамикаси, %

3. 
   – жадвал
   

Давлат	2002	2003	2004	2005	2006	2007
Бельгия	8	14	28	23	20	22
Дания	0	1	25	50	59	57
Франция	14	21	44	44	45	44
Германия	53	49	55	55	45	44
Буюк Британия	48	94	-	97	96	95
Фенляндия	16	27	37	37,2	44,1	41,6
Швеция	21	33	55,2	61,8	62,6	64,4
Швейцария	21	32	38	39	40	39

Энергия тежамкорлиги Ўзбекистон Республикаси давлат сиёсатининг биринчи ва барча хўжалик субъектлари фаолиятида аҳамиятли йўналиш бўлиб келмоқда. Энергия тежамкорлигининг учта асосий йўналишлари мавжуд.

1. 
   Ёқилғи ва энергиядан оқилона фойдаланиш бўйича кам сарфли тадбирлар, бу электр истеъмолини 10-12 % га қисқартириш имконини беради.
   
2. 
   Катта капитал маблағлари талаб қиладиган тадбирларни татбиқ этиш: энергия тежовчи технологиялар, жараёнлар, аппаратлар ва жиҳозлар. Бу энергияга бўлган талабни 25-30% га камайтиришга олиб келади.
   
3. 
   Ялпи ички маҳсулот ишлаб чиқаришда кўп энергия сарф қилмайдиган соҳа улушини ошириш билан боғлиқ бўлган иқтисодиётни тузилмавий қайта қуриш.