1 – laboratoriya mashg`uloti Laboratoriya mashg`ulot darsiga kirish va laboratoriya texnikasi bilan tanishtirish. Kafedra laboratoriyalarida ishlash xavfsizlik qoidalari

2 – laboratoriya mashg`uloti
Tuxum oqsilidan albuminni kristall holda ajratish
Asbob va reaktivlar: 50 va 100 ml o’lchamli silindrlar, shisha voronkalar, shisha tayoqchalar, vakuum ostida filtrlash uchun Byuxner voronkali kolba (Byunzen kolbasi), 50 ml tumshuqli shisha stakan, qog’oz filtrlar, universal indikator qog’ozi, 2 ta yangi tuxum, ammoniy sulfat (to’yingan eritmasi), ammoniy sulfat (kukuni), 5 % li sirka kislota.
Ishning borishi: 2 ta yangi tuxumni oqidan sarig’i ajratib olinadi va og’zi bekiladigan 100 ml o’lchamli silindrga solinadi. Ustiga oldindan tayyorlab qo’yilgan ammoniy sulfatning to’yingan (757 g tuz 1 l suvda eritilib, suv hammomida qaynatish bilan tayyorlangan) eritmasidan teng hajmda solinadi. Og’zi berkitiladi va yaxshilab chayqatiladi. Ammoniy sulfat bilan chala to’yintirilgan holatda avval globulinlar cho’kmaga tushadi. Cho’kmani taxlangan filtr qog’ozi yordamida boshqa o’lchamli silindrga filtrlanadi. Tiniq filtrat ustiga ammoniy sulfatning maydalangan kukunidan 100 ml eritmaga 13,5 g tuz hisobi bo’yicha solinadi va shisha tayoqcha yordamida kristallar to’liq erib ketguncha uzoq vaqt aralashtiriladi. Bundan keyin ammoniy sulfatning 70 % li eritmasi hosil bo’ladi va albuminlar cho’kmaga tushadi. Hosil bo’lgan cho’kma Byuxner voronkasida filtrlanadi. Cho’kma ehtiyotlik bilan filtrdan ajratib olinadi, 50 ml li kimyoviy stakanga solinadi va eng kam miqdordagi suvda eritiladi. Hosil bo’lgan eritmani pH ni universal indikator qog’ozi bilan tekshirib turilgan holatda eritmaga 5 % li sirka kislotasi eritmasidan aralashtirib turilgan holda tomchilatib solinadi. pH ning ko’rsatkichi 4,7-4,8 ga yetganda eritmaga ozginadan ammoniy sulfatning to’yingan eritmasidan aralashtirib turgan holda solinadi. Bu jarayon yo’qolmaydigan loyqa hosil bo’lguncha davom ettiriladi. Stakan toza shisha bilan yopiladi va sovutgichga qo’yiladi. Bir sutkadan keyin tuxum albumini ninasimon kristallar holida cho’kmaga tushadi.
3– laboratoriya mashg`uloti
Muskul to’qimasidan oqsil fraksiyalarini ajratish