1 – Амалий машғулот. Нефтни қайта ишлаш ва яримфабрикатларни тозалаш

 
 
Назорат саволлари ва топшириқлар 
 
1. Бензин сифатига қўйиладиган талабларни санаб беринг. 
2. Аралашма ҳосил бўлишига таъсир қилувчи бензиннинг хосса ва 
кўрсаткичларини баён қилинг. 
3. Нормал, детонацион ва калил ёнишларни қиёсий таърифланг. 
4. Бензиннинг 
детонацияга 
чидамлилиги, 
октан сони 
ҳақида 
билганларингизни ҳамда октан сонини аниқлаш методларини 
батафсил айтиб беринг. 
5. Бензиннинг детонацияга чидамлилигини ошириш усулларидан камида 
иккитасини қиёсий таърифланг. 
6. Бензиннинг қатламлар ҳосил бўлишига таъсир қилувчи хоссалари ва 
кўрсаткичларини санаб чиқинг, уларни таърифланг ҳамда амалий 
смолалар ҳосил бўлиши жараёнини тушунтириб беринг. 
7. Коррозиялаш таъсири бўйича бензиндаги энг хавфли бирикмаларни 
санаб чиқинг; уларнинг коррозион таъсири механизмини баён қилинг; 
уларни коррозион таъсири фаоллиги бўйича даражаланг ҳамда 
бензинда улар миқдорини чекловчи маълумотларни келтиринг. 

---

28 
3 – Амалий машғулот. БЕНЗИН МАРКАЛАРИ, УЛАРНИ ОЛИШ 
УСУЛЛАРИ ВА УЛАРНИНГ ҚЎЛЛАНИЛИШИ 
 
3.1. Бензинларни олиш усуллари 
Автомобил бензинлари – нефтни турли усулларда қайта ишлаб олинган 
бензин дистиллятларининг аралашмасидир.
Каталитик крекинг ва реформинг жараёнлари ривожланиб борган сари 
ушбу жараёнлар дистиллятларининг улуши автомобил бензинларида ортиб 
бормоқда, бу эса антидетонацион қўшилмалар миқдорини камайтириш ва 
ёнилғининг кимёвий стабиллигини яхшилаш имконини беради. 
Термик крекинг ва кокслашдан олинган бензинларга уларнинг кимёвий 
стабиллигини яхшилаш мақсадида антиоксидлагичлар киритилади. 
Замонавий товар автомобил бензинларини, одатда, бир неча 
компонентларни аралаштириб тайёрлашади. Бу ҳар бир компонент 
хоссаларидан рационал фойдаланиш, берилган сифат кўрсаткичига эга бўлган 
бензин олиш имконини беради. 
Бензин компонент таркибини белгиловчи асосий кўрсаткичлар – 
детонацион чидамлилик ва фракцион таркибдир. Автомобил бензинларининг 
сифати ГОСТлар билан регламентланади. 
Антидетанаторлар мавжудлиги бўйича этилланган ва этилланмаган 
бензинлар бўлади. 
Бензин таркиби ва унинг бошқа кўрсаткичлари нефт қаердан қазиб 
олинганлигига ва уни ишлаб чиқариш технологиясига боғлиқ.