020 йилнинг ойи бўйича қарши минтақавий темир йўл узели ук юк хўжалиги бўйича ҳаракат хавфсизлигини ва ташилаётган юклар бутлигини таъминлаш бўйича

2020 ЙИЛНИНГ 6 ОЙИ БЎЙИЧА ҚАРШИ МИНТАҚАВИЙ ТЕМИР
ЙЎЛ УЗЕЛИ УК ЮК ХЎЖАЛИГИ БЎЙИЧА ҲАРАКАТ ХАВФСИЗЛИГИНИ ВА ТАШИЛАЁТГАН ЮКЛАР БУТЛИГИНИ ТАЪМИНЛАШ БЎЙИЧА
ҲИСОБОТ-ТАҲЛИЛИ.


1.ЮК ВА ТИЖОРАТ ИШЛАРИ БЎЙИЧА ҲАРАКАТ ХАВФСИЗЛИГИНИ ТАЪМИНЛАШ.

2020 йилнинг 6 ойи мобайнида Қарши МТУ УК бўйича ҳаракат хавфсизлигини таъминлаш юзасидан юк ва тижорат ишларида фаолиятида белгиланган ишлар бажарилди. Жумладан, ҳар ойда тегишли ишчи ходимлар иштирокида текширув далолатномаларида ҳаракат хавфсизлигига боғлиқ камчиликлар юзасидан муҳокамалар ўтказилади ва систематик такрорланётган камчиликлар бўйича тасдиқланган режага мувофиқ тизимли равишда техник машғулотлар ўтказилади. Поездлар ҳаракати хавфсизлигини таъминлаш масаласида станциялар текширилди. МТУ УК станцияларини текшириш жараёнида “Юкларни ортиш ва маҳкамлашнинг техник шартлари” (ТУ) талабларининг бажарилишига алоҳида эътибор қаратилди.

2020 йилнинг олти ойида нуқсонли ишларга йўл қўйилмаган.
2019 йилнинг шу даврида 2 та нуқсонли ишларга йўл қўйилган.
2019 йилнинг 03 январь куни соат 10-55 да Тошкент МТУ УК га қарашли разъезд 3 да 2461-сонли поезд таркибидаги Шуртан-Ахунбобоева станциялари йўналиши бўйича газ конденсати юкланган 73029183 рақамли вагон-цистернанинг пастки юк тушириш мосламасидан юк оқиши аниқланган.
Ушбу ҳолат ҳаракат давомида 73029183 рақамли вагон-цистернага ҳаракат давомида таъсир қилувчи динамик куч ва тебраниш таъсирида содир бўлганлиги маълум бўлди.
Тошкент МТУ УК нинг 2019 йил 11 январь кунидаги 12-баённомасига асосан ушбу ҳолат юк жўнатувчи “Шуртаннефтгаз” МЧЖ ҳисобига қайд этилган.
2019 йилнинг 07 май куни Чодак станциясида 2462-сонли поезд таркибидаги Шуртан-Ахунбобоева станциялари йўналиши бўйича нефть юкланган 73027880 рақамли вагон-цистернанинг пастки юк тушириш мосламасидан юк оқиши аниқланган.
Ушбу ҳолат ҳаракат давомида 73027880 рақамли вагон-цистернанинг ички клапани резинаси едирилганлиги натижасида содир бўлганлиги маълум бўлди.
Қўқон МТУ УК нинг 2019 йил 15 январь кунидаги 8-баённомасига асосан ушбу ҳолат “ишдаги бошқа нуқсонлар” таркибига киритилган.