0 ‘zbek3ST0n tarixi umumiy o‘rta ta’lim maktablarining 8- sinfi uchun darslik

tarixiy  asarlar
1.
2.
3.
7 9

---

22- §.  Xiva  xonligining  tashkil  topishi
Xorazmning  mustaqilligi 
uchun  kurash
Xorazm  Shayboniyxon  hujumi  arafasida 
temuriy  Sulton  Husayn  Boyqaro  hukmdor 
bo4lgan  Xuroson  davlati  tasarrufida  edi. 
Husayn  Boyqaro  Xorazmga  qo‘ng‘irot  qabilasidan  chiqqan  Chin  So‘- 
fini  noib  etib  tayinlagan.
1505-yili  Shayboniyxon,  1510-yilda  esa  Eron  hukmdori  shoh 
Ismoil  Xorazmni  bosib  oldilar.  Biroq  shoh  Ismoilning  hukmronligi 
uzoqqa  bormadi.  Xorazmliklar  safaviylar  hukraronligiga  qarshi  kurash 
boshladi.  Bu  kurashga  mahalliy  aslzodalar  boshchilik  qildi.  Xususan, 
Xorazmni  Eron  safaviylaridan  ozod  etish  va  mustaqil  davlat  tuzish 
uchun  boshlangan  kurashning  tashabbuskori  o‘sha  davrda  Xorazmning 
markazi  bo‘lgan  Vazir  shahrining  qozisi  Umar  qori  bo‘ldi.  U  xo- 
razmliklami  safaviylarga  qarshi  kurashga  da’vat  etdi.  Xorazm  xalqini 
mustaqillik  uchun  kurashga  ko‘tarishda  Sayid  Hisomiddin  qattol  ham 
katta  rol  o‘ynadi.
Xorazmning  bo‘lajak  hukmdori  hokimiyatining  qonuniy  maqomga 
ega  bo‘lishi  juda  muhim  edi.  Shu  sababli  mustaqillik  uchun  kurash­
ning  rahnamolari  Xorazm  taxtiga  Dashti  Qipchoqdagi  Shaybon  av- 
lodidan  bo‘lgan  Berka  Sultonning  o‘g‘li  Elbarsxonni  taklif  etdilar. 
Berka  Sultonning  xonadoni  Shayboniyxon  xonadoni  bilan  garchand 
bir  shajaradan  bo‘lsa-da,  bir-biriga  dushmanlik  munosabatida  edilar. 
1480-yilda  o‘zaro  toj-u  taxt  uchun  kurashda  Muhammad  Shayboniyxon 
tomonidan  o‘z  bobokaloni  Shaybonxon  avlodiga  mansuh  Berka  Sul­
tonning  o‘ldirilganligi  buning  sabablaridan  biri  edi.  Elbarsxon  1512- 
yilda  Xorazm  taxtiga  o‘tqazildi.
Elbarsxon  davrida  mamlakat  poytaxti  Vazir  shahridan  Urganch 
shahriga  ko‘chirildi.  Elbarsxon  Vazir  shahrini  Eron  qo‘shinlaridan 
ozod  etgach,  bu  g‘alaba  sharafiga  o‘z  o‘g‘illari  nomiga  ,,g‘ozi“  laqa- 
bini  qo‘shib  aytishni  buyurdi.