0 ‘ т к I r h o s h I m o V

Uzun kechalar
7
yishga qistirib oladi-da, hakkalab borib devorga qo‘yilgan 
qo‘ltiqtayog‘iga yopishadi. „Rezinkasi yeyilib ketibdi, - deydi 
to‘ng‘illab. - Bu onangni... aptekada topilsa ekan!“ Hassasini 
do‘qillatib, hovliga tushadi. „Kerak bo‘lsa Moskvagacha bo- 
raman, - deydi allakimga dag‘dag‘a qilib. - Ko‘kcha mozo- 
rida otam yotibdi, onam yotibdi! Ota-buvamdan qolgan uyni 
buzadiganning boshi o‘nta. Ana, qo‘lidan kelsa remrot qib 
bersin! 0 ‘ligim shu yerdan chiqadi. - Ikkala hassatayog‘ini 
yerga baravar uradi, - shu yerdan! Ispolkomdagi jipiriqqa ga- 
pirsam, bezrayadi. „Mayli, buzadigan yerdan joy oling, uch 
yildan keyin shu mahalladan dom beramiz“, deydi. Uch yilga- 
cha onangni chorbog‘ida turamanmi?“. ,,Bo‘lmasa, Qurbaqa- 
oboddan uchastka oling“mish. Qurbaqaobod yeming kindigi- 
da bo‘lsa, tilladan tog‘im bormi, bir chetidan ushatib imorat 
quradigan. Yo‘q, eng kattangga boraman. Uchinchi Ukraina 
frontining jangchisi, Vatan uchun qon to‘kkan, orden egasi xor 
bo‘ldi, deyman. Uyim bosib tushgani yo‘q, remontiyam boshi- 
da qolsin, buzmasin, deyman. Domini pishirib yesin, deyman“.
Otasining yelib-yugurishlari shu bo‘ldiki, uylarida chiroq 
o‘chib qoldi. Gaz kelmay qo‘ydi. Mahalladagi o‘ttiz ikki xo- 
nadon ,,dom“ga ko‘chishga rozi bo‘pti. Yigirma bitta oilaga 
Qurbaqaoboddan yer berilibdi. Sakkiz xonadon „buziladigan 
yer“ga rozi bo‘lib, qarindoshlarinikiga ko‘chib ketibdi. Uy- 
larga buldozer qo‘yildi.
- 0 ‘lsin-ey! Muncha imillaydi bu! Aksiga oladi o‘zi. So- 
atingiz necha bo‘ldi, amaki?
,,Amaki-ya! 0 ‘zining yuzi tegirmonchining mahsisiga 
o‘xshaydi-ku, amaki deydi. Upaniyam bearmon chaplabdi- 
mi? Qarilikni bo‘yniga olsa o‘ladi bu xotinlar?! Qimmatba- 
ho palto kiyib, gul ko‘tarib yurgandan ko‘ra taksiga minsang 
joniqib kutayotganingni oldiga o‘n minutda borasan. Ana, 
ko‘cha to‘la taksi“.
- Soatim yo‘q, xola! Manda soat nima qilsin. Prostoy 
odam bo‘lsam.

---

8