Ў збкистон республикаси олий ва ўрта махсус таълим вазирлиги наманган давлат университети

Услубий таҳлил
Дарсда ўқитувчи томонидан кўлланилган усулларнинг мақсадга мувофиқлиги таълимнинг турига қараб белгиланади. Ўқув материалини ўқувчиларга тушунтириш жараёнида қўлланилган усулларнинг шу материалга мослиги ёки мос эмаслиги услубий таҳлил давомида аниқланади. Дарс усулларини таҳлил қилишда қуйидагилар ҳисобга олиниши керак:
1. Дарс жараёнида ўқитувчи ва ўқувчи фаолиятининг ташкилий шаклларига кўра:
а) ҳикоя усули (ўқитувчининг ўқув материалини баён этиши кўринишида);
б) суҳбат усули.
2. Ўқувчиларнинг ўзлаштириши даражасига кўра:
а) ўқитувчининг сўзлаш усули;
б) дарслик билан ишлаш усули;
в) кўргазмали қуроллардан фойдаланиш усули.
У ёки бу фаннинг ўқитилиши услубий жиҳатдан таҳлил этилганда, бир-бири билан боғлиқ бўлган қуйидаги масалалар эътиборда бўлиши лозим:
а) таълимнинг мақсади;
б) таълимнинг мазмуни;
в) таълимни ташкил этиш шакллари;
г) таълим манбалари;
д) таълим усуллари.
Дарсни таҳлил этиш жараёнида таҳлил ўтказувчи (ёки кузатувчи) қуйидаги методик амалларга эътибор бериши лозим бўлади:

1. 
   Тушунтиришнинг содда ва оммавийлиги.
   
2. 
   Ўқувчилар тушунишларига қулай, осон бўлиши учун барча имкониятлардан фойдаланиш.
   
3. 
   Дарслик материалига қўшимча равишда ўқувчиларнинг ривожланиш хусусиятларига, шунингдек, уларнинг ёшига кўра мослаб тақдим этиш.
   
4. 
   Мустакил ишлар беришда ўқувчиларнинг имкониятлари даражасига, ёши ва қобилиятига мос бўлишига эришиш ва б. (дифференциал ва якка тартибдаги ёндашув).
   

Дидактик (таълимий) таҳлил
Дидактик таҳлил - таълим турлари самарадорлиги ва уни белгиловчи қонунларнинг дарсда қанчалик тўғри ва мукаммал бажарилганлигини ўрганишга қаратилган. Дидактик таҳлил дарс жараёнида ўқитувчининг таълимдаги умумий ва ўзига хос тамойилларнинг қай даражада татбиқ этаётганлигини зрганишни назарда тутган ҳолда қуйидаги педагогик талабларга қаратилиши лозим:
а) ўқитувчи баёнининг синф жамоасига (барча ўқувчиларга) тўлиқ тушунарли бўлиши;
б) билдирилаётган фикрнинг ғоявий жиҳатдан миллий ғоя, тарбия талабларига ҳамоҳанг бўлиши;
в) ўқув материалининг барча ўқувчилар томонидан онгли равишда ўзлаштирилиши;
г) кўрсатмали қуроллардан, техника воситаларидан етарли даражада ва тўғри фойдаланиш кўлами;
д) тажриба, лаборатория ишларининг кўзланган мақсадга йўналтирилган ҳолда ўтишига эришиш;
е) дарслик билан ишлашнинг тўғри бўлиши;
ж) келтирилаётган мисолларда, далилларда таълимий-тарбиявий-коррекцион мақсадларнинг бирлиги ва б.
з) ўқувчилар билан коррекцион ишларнинг олиб борилишига эътибор қаратилиши.