“ Ўзбекистоннинг тарақҚиёт стратегияси: фуқоролик жамияти ” фанидан

Ахборотни сохталаштириш (дезинформация) (фран, des - “салбий” ва information - “ахборот”)- муайян гуруҳ ва доираларнинг ғаразли мақсадларига эришиш йўлида сохта маълумотлардан фойдаланиш асосида ижтимоий фикрни чалғитиш мақсадида матбуот, радио ва твда қўлланадиган усул, восита. Масалан, Иккинчи жаҳон уруши даврида у ташвиқотда кенг қўлланган. Дезинформация турлари: а) сохта ахборот, овоза ва шов-шувлар тарқатиш; б) конфиденциал маълумотлар "оқиб кетиши"ни ташкил қилиш; в) му­айян фактларни бўрттириб ёритиш, зиддиятли хабарларни тарқатиш. Дезинформациянинг тарихи, аввало, оавнинг пайдо бўлиши ва шаклланиши билан узвий боғлиқ, унинг мазмун-моҳияти асосан сиёсий, ғаразли мақсадларни кўзлаган интилишларда намоён бўлади.
Ахборот қуроли бу — ахборот массивларини йўқ қилиш, бузиш ёки ўғирлаш воситаси, тармоқ тизимини бузиб кириш орқали керакли маълумотларни билиб олиш, уларга қонуний фойдаланувчиларининг киришини таъқиқлаш ёки чеклаш, техник воситаларининг ишларини бузиш, телекоммуникацион тармоқларни ишдан чиқариш, компьютер тизимларини, жамиятнинг технологик эхтиёжларини қондиришдаги жараён ва давлат фаолиятининг барча бўғинларини ишдан чиқаришдир.
Ахборот хавфсизлиги- нафақат давлатнииг ахборий ресурсларини, балки фуқароларининг ҳуқуқлари ва жамиятнинг барча структураларини ахборот маконидаги ҳимоясини ифодалайди. Ўзбекистон Республикасинииг ахборот хавфсизлиги - шахс, жамият ва давлатнинг ўзаро мувозанатлашган умуммиллий манфаатларни ахборот хафвсизлигининг ҳимояланиши. Давлат ахборот хавфсизлиги- барча ахборотлар тизимларининг ҳимояланганлик даражасига боғлиқ жараён. Бунда асосий ва зарурий иқтисодий, сиёсий, ижтимоий, фан-техника, таълим-тарбия, ҳарбий ҳамда мамлакатнинг миллий манфаатларига зид келадиган ахборий таҳдидларнинг олдини олиш, ахборотларни ноқонуний йўллар билан олишни баратараф этишнинг қатъий чора ва тадбирлар кўрилиши мақсад қилиб белгиланади. Ахборот хавфсизлиги айни ахборий таҳдидларнинг олдини олиш ва бартараф қилишга ёрдам бериш давлат тадбирларининг яхлит тизими. Ҳозир ахборий хавфсизлик харбий хавфсизликнинг компоненти сифатида ҳам ишлатилиб, ҳарбий соҳадаги ахборий ресурслар, каналлар, билимлар ва маълумотлар базасининг мавжудлиги, уларнинг асосида ахборотларни қайта ишланиши, сақланиши ва қўлланилишидаги хавфсизликни англатмоқда.