Ў збекистон республикаси мактабгача таълим вазирлиги

«Мен» концепцияси — болани ўзи ҳақидаги англанган тасаввурлари тизими, унинг рефлексив фаолиятини бир қисми.
Режалаштириш воситалари – бу фаолият мазмуни, турлари ҳамда кутилаётган натижаларга эришиш имкониятларини (ресурсларни) белгилаб олиш учун педагог томонидан қўлланадиган восита, усул ва услублар.
Рефлексив фаолият –ўзтушунчалари ва ҳатти-ҳаракатларини мустақил таҳлил қилиши асосида болада хулосалар шаклланиши жараёни.
Ривожланиш – инсон танаси, руҳияти ва хулқида биологик жараёнлар ҳамда атроф муҳит таъсирида рўй берадиган ўзгаришлардир.
Ривожланиш соҳаси — бола ривожланишидаги аниқ бир йўналишлар. Давлат талаблари боланинг қуйидаги ривожланиш соҳалари бўйича белгиланади: жисмоний ривожланиш ва соғлом турмуш тарзининг шаклланиши, ижтимоий-ҳиссий ривожланиш, нутқ, мулоқот, ўқиш ва ёзиш малакалари,билиш жараёнини ривожланиши, ижодий ривожланиш.
Таълимнинг ривожлантирувчи муҳити – бола ривожланишини таъминлайдиган шарт-шароитлар (ўйинлар, ўйин предметлари ва жиҳозлари, ўқув-услубий қўлланмалар, болаларнинг турли фаолият турлари билан шуғулланиши учун мўлжалланган ускуналар) ўзаро боғлиқлигини белгилаб берадиган ҳал қилувчи кўрсаткичлар.
Ҳафталик режа— Ҳафталик режа йиллик мавзувий режага асосланади ва ҳафтанинг кичик мавзулари, шунингдек, мазкур мавзу бўйича ўтказиладиган тадбирларни ўз ичига олади.
Шахсга йўналтирилган ёндашув – педагогнинг бутун диққат-эътиборини бола шахсининг яхлитлигига қаратишни, унинг нафақат ақл-заковати, фуқаролик масъулияти ҳисси, балки эмоционал, эстетик, ижодий қобилиятларини ривожлантириш ҳақида ғамхўрлик қилишга йўналтирадиган ёндашув.
Адабиёт ва манбаалар рўйхати
1. Ўзбекистон Республикасининг илк ва мактабгача ёшдаги болалар ривожланишига қўйиладиган Давлат талаблари.– Т.:2018.
2. Ўзбекистон Республикаси Вазирлар Маҳкамасининг 2020 йил 22 декабрдаги “Мактабгача таълим ва тарбиянинг давлат стандартини тасдиқлаш тўғрисида”ги 802-сон қарори.
3. “Илк қадам” мактабгача таълим муассасасининг давлат ўқув дастури.– Т.:2018.