Ҳ. Р. Очилов, Э. О. Тургунбоев жиноят ҳУҚУҚИ (умумий қисм)

 
13.8. Интизомий қисмга жўнатиш жазоси. 
Интизомий қисмга жўнатиш деб – 
жиноят қонунида 
назарда тутилган ҳолларда, суд томонидан белгиланган муддат 
мобайнида шахсни ички тартиби анча қаттиқ бўлган махсус ҳарбий 
қисмга жойлаштириш кўринишидаги жазо турига айтилади.
Ушбу жазо тури фақат: 
- барча турдаги муддатли ҳарбий хизматчиларга нисбатан 
татбиқ қилинади (ишлайдиган ва бир йилга ҳарбий хизматни ўташ 
учун борганларга); 
- ЖК Махсус қисм моддасида назарда тутилган ҳолардагина, 
уч ойдан бир йилгача бўлган муддатга қўлланилади; 
- ҳарбий хизматни ўташ тартибига қарши жиноятлар содир 
қилинганда тайинланади;
- маҳкумни муайян ҳуқуқ ва имтиёзлардан маҳрум этади ва 
барча маҳкумлар у улгари офицер ёки оддий аскар бўлганлигидан 
қатъий назар бир хил кўринишдаги кийимларда юришади ва бир 
хил ҳуқуқ эга бўладилар ва мажбуриятларни бажарадилар.
- жазони ўташ вақти ҳарбий хизматни ўташ муддатига 
қўшилмайди.
Агарда муддатли ҳарбий хизматчи томонидан (
ҳарбий 
хизматни ўташ тартибига қарши жиноятлардан
) бошқа бир 
турдаги жиноят содир этилганда жиноят қонунида назарда 
тутилган ҳолларда суд иш ҳолатлари ва маҳкумнинг шахсини 
ҳисобга олган ҳолда уч йилдан кўп бўлмаган муддатга озодликдан 
маҳрум қилиш жазоси ўрнига шу муддатга интизомий қисмга 
жўнатиш жазосини қўллаши мумкин. Ушбу ҳолатда интизомий 
қисмга жўнатиш жазосининг муддати бир йилдан ортиқ бўлиши 
мумкинлиги аҳамият касб этмайди. 
 
13.9. Қамоқ жазоси. 
 

---

-89-
Қамоқ деб 
– жиноят содир этишда айбдор деб топилган 
шахсни жамиятдан батамом ажратган шароит остида сақлашдан 
иборат бўлган, бир ойдан олти ойгача муддатга белгиланадиган 
жазо турига айтилади. 
Қамоқ жазоси тайинланганда, жиноят қонунида кўрсатилган 
муддатлар минимал ва юқори даражасидан ошиб кетмаслиги талаб 
этилади.
Қамоқ жазосини
– маҳкумлар ҳукм чиқарилган жойдаги 
махсус қамоқ уйларида ўтайдилар. Ҳарбийлар эса, ушбу жазони – 
гарнизон гаупвахталарида ўтайдилар. 
Бугунги кунда республикамизда қамоқ уйлари ҳали ташкил 
этилмаганлиги учун вақтинчалик ушбу жазо - тергов ҳибсхоналари 
ва турмаларда ижро этилмоқда.