Қ. Муртазоев кўчаси, 11-уй

Интегралловчи электромеханик асбобларда механик рақамли индикаторлар ишлатилади.
Корректор - туғрилагич, электромеханик асбобларда кўрсаткични нол белгисига урнатиш қурилмасидир. Корректор иш бошлашдан олдин асбоблар миллини нолга урнатиш учун ишлатилади.
Арретир – асбобнинг қўзғалувчи қисмини ҳаракатсизлантириш учун ишлатилади. Одатда, сезгир электромеханик асбобларини монтаж қилишда, транспортировкада асбоб миллини қўзғалмас қилиб мустахкамловчи қурилмадир.
Такрорлаш учун саволлар.

1. 
   Ўлчаш асбобларининг аниқлик класслари нима маънони англатади?
   
2. 
   Ўлчаш воситаларининг метрологик тавсифлари.
   
3. 
   Ўлчаш воситаларининг қандай аниқлик хоссалари бор ва у нима маънони англатади?
   
4. 
   Ўлчаш асбобларидаги асосий таркиблар.
   
5. 
   Аналог ўлчаш асбобларининг турлари.
   

Маъруза №9. Стандартлаштириш хакида, унинг мақсад ва вазифалари.


Таянч иборалар:
Стандарт; стандартлаштириш; стандартлаштиришнинг мақсади; стандартлаштиришнинг вазифалари; стандартизациянинг принциплари.


Маъруза режаси:

1. 
   Стандартлаштириш ҳақида;
   
2. 
   Стандартлаштиришнинг мақсад ва вазифалари.
   

Стандартлаштириш ҳақида.


Стандарт-бу кўпчилик манфаатдор томонлар келишуви асосида ишлаб чиқилган ва маълум сохаларда энг макбул даражали тартиблаштиришга йуналтирилган ҳамда фаолиятнинг ҳар хил турларига ёки натижаларига тегишли бўлган умумий ва такрор қўлланиладиган қоидалар, умумий қонун-қоидалар, тавсиялар талаблар ва усуллар белгиланган ва тан олинган идора томонидан тасдиқланган меъёрий ҳужжатдир.
Стандартлар фан, техника ва тажрибаларнинг умумлаштирилган натижаларига асосланган ва жамият учун юқори даражадаги фойдага эришишга йуналтирилган бўлиши керак.
Стандартлар даражасига қараб, халқаро, минтакавий давлатлараро, миллий ва корхона микёсида фаолият курсатади.
Давлат стандартлари маҳсулотни ишлаб чиқиш ва уни ишлаб чиқаришга қўйиш босқичида янги маҳсулотларнинг юқори сифатли турларини яратиш ва ўзлаштиришни тезлаштиришга, ишлаб чиқарувчи, тайёрловчи ва истеъмолчи ораларидаги муносабатларни яхшилашга йуналтирилган.
Стандартлаштириш тизими янги буюмга ўз вақтида юқори сифатли лойиха - конструкторлик ҳужжатлар бериш, корхонанинг янги маҳсулотини берилган сифат кўрсаткичларига асосан тайёрлашни ва керак бўлса маҳсулотнинг ишлаб чиқаришдан олиб ташлашни белгилайди.