“ фаол тадбиркорлик, инновацион ғоялар ва технологияларни қЎллаб-қувватлаш йили”

Ишнинг долзарблиги: Гиалурон кислотаси - гликозаминогликан полисахариди деб аталади 
ва эпителиал, асаб ҳамда бириктирувчи тўқималар таркибига киради. Табиий гиалурон 
кислотасининг молекуляр массаси 5 000- 20 000 000 дальтон. Инсон организмида 15 г 
гиалурон кислотаси сақланиб, терининг таранглигини, намлигини, қайта тикланишини, ялли-
ланиш жараёнларини камайтиришни таъминлайди, яра битирувчи восита сифатида ва бошқа 
дори воситаларининг таъсирини пролонгатори сифатида ҳизмат қилади. Организмда ушбу 
кислотанинг танқислиги табиий қаришга олиб келади, терининг ташқи кўриниши 
ёмонлашади, бўғимларнинг ҳаракатчанлиги қийинлашади. Ҳозирги кунда илғор 
фармацевтик компаниялари ва гўзаллик индустриясининг намоёндалари (дерматолог ва 
косметологлар) гиалурон кислотасини ишлаб чиқаришнинг турли усулларини таклиф 
этмоқдалар. 
Ишнинг мақсади: ҳом ашё ресурсларини рационал қўллаган ҳолда гиалурон кислотасини 
биокимёвий усулда олишнинг технологиясини ишлаб чиқиш. 
Тадкикот услублари ва материаллари: хом ашё сифатида ҳайвонлар кўзининг шишасимон 
моддаси,синовиал суюқлик, киндик томирлари, маълум микроорганизмларнинг штаммлари 
қўлланилади. Самарали ва арзон хом ашё тури сифатида хўрозларнинг тожидан 
фойдаланилади. Вояга етган, соғлом хўрозларнинг тожини тагидан кесиб олиб, музлатиб 
қўйилади. 1г хом ашё тўқимасида 7,5 мг полисахарид сақланади. Сўнг музлатилган ҳом 
ашёни қон қолдиқларидан тозалаш мақсадида совуқ сувда ювилади ва 80
0
С ҳароратли сувда 
20 дақиқа қолдирилади. Бундан ташқари ацетон (тиниқ эритма ҳосил бўлгунча 5-10 
экстракция), 95% этанол ёки этанол:хлороформ (1:2) аралашмаси билан ювилади. Ушбу 
жараён гиалурон кислотаси ферментатив ва оксидланиш деструкциясига учрамаслиги учун 
амалга оширилади. Қондан тозаланган тўқималар 95% этанолда узоқ муддат (24 ойгача) 4-
22
0
С ҳароратда сақланиши мумкин. Хом ашё 1 мм гача катталикда майдаланади. 500 г хом 

---

ашё 2 л физиологик эритма билан 30 дақиқа давомида аралаштирилади, қайнаш ҳароратигача 
қиздирилади, юзасида ҳосил бўлган лиридлар қатлами сузиб ташланади ва фильтрланади. 
Хом ашё чўкмаси яна 2 л физиологик эритма билан суюлтирилади, қиздирилади, лекин 
қайнашгача олиб борилмайди, фильтрланади. Экстрактлар бирлаштирилади, ва 
аралаштирилган ҳолда 2% сирка кислотасининг эритмаси қўшилади. Эритмадан чўкма 
ажратиб олингач, чўкма усти эритмаси тўкиб юборилади, чўкмани эса 1 л дистилланган сув 
ва 0,1% натрий гидроксид аралашмаси билан суюлтирилади ва pH қиймати 7,0- 7,3гача 
етказилади. Эритма қайнашгача аста –секин қиздирилади, фильтрланади, фильтрат 
лиофилизацияланади.