Izoh: Boshlang`ich bellashuv vaqtida dzyudochilar bir xil baho olgan bo`lsalar qo`shimcha vaqt – ―Golden score‖ boshlanishidan oldin avvalgi baholar bekor qilinib tablodan olib tashlanadi, lekin olingan jazo – shido shido lar tabloda o`zgarishsiz qoldiriladi (Shido larning baholari ham olib tashlanadi).
7. Agar o`rtadagi hakam bellashuv natijasini e`lon qilganidan so`ng ―hakamlar uchligi‖ gilamni tark qilsa, bellashuv natijasi bekor qilinishi yoki o`zgartirilishi mumkin emas. Shuning uchun o`rtadagi hakam yoki yon hakamlar xatosi Hakamlar hay`ati tomonidan o`z vaqtida bartaraf qilinishi lozim.
8. O`rtadagi hakam va yon hakamlarning ―uchlikning ko`pchiligi‖ qoidasiga muvofiq qabul qilgan barcha harakatlari va qarorlari yakuniy hisoblanadi va o`zgartirilishi mumkin emas.
Yotgan holda Kurashish – ne-vaza. 1. Dzyudochi tashlash usulini bajarib, to`xtovsiz, hujumni davom qildirib, yotgan holda Kurashish – ne-vaza xolatiga o`tishi mumkin. Dzyudochilarning biri tashlash usulini bajarishga muvaffaqiyatsiz urinishi natijasida yiqilib tushsa, ikkinchi dzyudochi raqibining bunday holatidan foydalanib uni ne-vaza holatiga o`tkazishi mumkin.
2. Har qanday hollarda dzyudochilarning biri yiqilib tushsa yoki deyarli yiqilsa, ikkinchi dzyudochi raqibining bu holatidan foydalanib, uni yotgan holda Kurashish – ne-vaza holatiga o`tkazishi mumkin.
3. Dzyudochilarning biri o`z raqibini ne-vaza holatida bug`ish, ushlash yoki og`ritish usullarini qo`llayotganida noto`g`ri ushlashlardan foydalansa, o`rtadagi hakam matte buyrug`i bilan bellashuvni darhol to`xtatib dzyudochilarini turg`azishi va Nage-vaza holatidan xajime buyrug`i bilan bellashuvni davom etirishi kerak.
4. Agar dzyudochilarning biri o`z raqibini ne-vaza holatida bug`ish, ushlash yoki og`ritish usullarini qo`llayotganida uning raqibi noto`g`ri ushlashlardan foydalansa, o`rtadagi hakam sono-mama buyrug`ini e`lon qilib bellashuvni darhol to`xtatadi va noto`g`ri ushlashlardan foydalangan dzyudochiga shido e`lon qiladi.
5. Sono-mama (qimirlamaslik) buyrug`i faqat ne-vaza paytida e`lon qilinadi. O`rtadagi hakam sono-mama e`lon qilayotganda dzyudochilarning holati va ushlashlarning o`zgarmasligini diqqat bilan ko`zatishi kerak va bellashuvni davom ettirish uchun yoshi (davom ettirish) buyrug`ini e`lon qiladi.
6. Agar ne-vaza holatida dzyudochi o`zining jarohatlanganini ko`rsatsa, o`rtadagi hakam zarur bo`lsa, sono-mama e`lon qilib, jarohatlangan dzyudochiga shifokor bilan maslahatlashishga imkon berishi, keyin dzyudochilarni sono-mama e`lon qilgandan oldinga holatga qaytarishi va yoshi e`lon qilishi kerak.